Pat Napapa ធ្លាប់ផ្ដល់បទសម្ភាសន៍យំគគ្រូក សារភាពសុំទោសកូនប្រុស
បងប្អូនដែលនិយមតាមដានរឿងភាគថៃមុខជាបានស្គាល់ច្បាស់ តារាសម្តែងស្រីជើងចាស់ Pat Napapa ដែលជាអ្នកម្តាយដ៏ល្អរបស់ប្អូន Racing។ តារាស្រីដែលឆ្លងកាត់ បទពិសោធន៍ជីវិតជូរចត់ រាប់ភ្លេចរូបនេះ ត្រូវបានមហាជនគោរពកោតស្រលាញ់ ចំពោះភាពតស៊ូ និងអត្តចរិត មិនចេះឆ្មើងឆ្មៃរបស់នាង។
យ៉ាងណាមិញនៅក្នុងបទសម្ភាសន៍មួយ Pat បែរជាស្រក់ទឹកភ្នែកដូចបាក់ទំនប់ សារភាពសុំទោសកូនប្រុសខ្លួនដោយពោលថា៖ «ដោយសារតែខ្ញុំពីក្មេងធ្លាប់រស់នៅក្នុងគ្រួសារ ដែលឪពុកម្តាយលែងលះ ហើយនៅបែកគ្នា ចឹងខ្ញុំមិនដែលមានភាពកក់ក្តៅពេញលេញទេ។ បានត្រឹមឃើញលោកតា លោកយាយ ច្រើនជាងឪពុកម្តាយបង្កើត រហូតសព្វថ្ងៃនេះខ្ញុំហៅពុកបង្កើតខ្ញុំ និងសាច់ញាតិរបស់គាត់ថា បងប្រុសស្រីគ្រប់គ្នា»។
«បទពិសោធន៍ជីវិតមួយនេះ បានធ្វើឱ្យខ្ញុំតាំងចិត្តថាខ្ញុំចង់មានគ្រួសារដែលកក់ក្តៅ ជាពិសេសជាទ្រនំដ៏ល្អមួយសម្រាប់កូនប្រុស តែផ្ទុយទៅវិញក្តីស្រមៃរបស់ខ្ញុំគឺមិនអាចទៅរួច ដោយសារខ្ញុំមិនអាចសាងគ្រួសារមួយជុំគ្នាបាន ហើយ Racing ក៏ឆ្លងកាត់ជីវិតដូចខ្ញុំ ទាំងដែលគេមិនទាន់ដឹងក្តីអ្វីនៅឡើយ។ ខ្ញុំពិតជាសុំទោសរូបគេ ខ្ញុំពិតជាសុំទោសចំពោះកំហុសមួយនេះ ហើយខ្ញុំតែងប្រាប់ខ្លួនឯងថាមិនថាមានរឿងអ្វីគឺខ្ញុំចង់ឱ្យកូនប្រុសខ្ញុំរីករាយ និងទទួលបានក្តីស្រលាញ់អស់ពីបេះដូងនាងខ្ញុំ»៕
ប្រភព៖ Mgonline