ទោះខកចិត្តរឿងគ្មានកូនតពូជ Jooy និង ស្វាមី នៅតែរឹងមាំ រួមដៃគ្នាធ្វើរឿងមួយនេះយ៉ាងស្អិតល្មួត

ជារឿយៗ តារាស្រី Jooy Warattaya និង ស្វាមី គឺលោក DJ Push តែងតែទទួលបានការសរសើរពីសំណាក់មហាជនអ្នកគាំទ្រជានិច្ចថាជាគូស្វាមីភរិយាដែលស័ក្តិសម និង ជាគំរូផងដែរ ក្រោយអ្នកទាំងពីរបង្ហាញពីជីវិតស្នេហ៍ស្មោះស្ម័គ្រ និង ផ្អែមល្ហែម មិនដែលលេចឭបញ្ហារង្គោះរង្គើនឹងគ្នានាពេលកន្លងមកនោះ។

ដោយឡែក អ្វីដែលកាន់តែពិសេស និង កាន់តែធ្វើឱ្យមហាជនច្រណែននោះ កាលពីដើមខែតុលា ឆ្នាំ២០២១ កន្លងទៅនេះ ប្តីប្រពន្ធអ្នកសិល្បៈគូនេះ បានមហាជនឃើញហើយទ្រាំមិនច្រណែនមិនបាន បន្ទាប់ពីពួកគេបានបង្ហោះរូបភាពផ្អែមល្ហែមបែប Romantic ជាស្រមោលស្នេហ៍លើមាត់សមុទ្រ ដោយបញ្ជាក់ឱ្យឃើញពីសេក្តីស្នេហ៍ដែលមិនអាចខ្វះគ្នាបានរបស់អ្នកទាំងពីរ។

យ៉ាងណាមិញ បើទោះបីជាអ្នកទាំងពីរធ្លាប់បានចេញមុខបង្ហាញពីទុក្ខកង្វល់ដែលកើតមានខណៈពេលចង់បានកូន តែមិនអាចមាននាពេលកន្លងមកក៏ដោយ តែរឿងរ៉ាវមិនសមបំណងទាំងអស់នោះ មិនអាចមកបំផ្លាញពីសុភមង្គលពួកគេនៅពេលនេះបានដែរ៕

ប្រភព៖ daradaily