ចេញប្រឡូកសិល្បៈទើបជាង ៥ ឆ្នាំ តួស្រីរឿង Nevertheless សល់លុយអាចក្រាលគេងបាន

តារាសម្តែងស្រីវ័យ ២៦ ឆ្នាំ កញ្ញា Han So Hee ដែលប្រិយមិត្តភាគច្រើន​បានស្គាល់តាមរយៈរឿង «Nevertheless» ដែលផ្ទុះការចាប់អារម្មណ៍ជាខ្លាំងនាពាក់កណ្តាលឆ្នាំ ២០២១ នេះ។

គិតមកទល់ពេលនេះអស់រយៈពេលជាង ៥ ឆ្នាំទៅហើយដែលតារាស្រីដ៏ស្រស់ស្អាត រាងតូចច្រឡឹងរូបនេះបានចូលសម្តែង និងកសាងកេរ្តិ៍ឈ្មោះ។រឿងចុងក្រោយដែលនាងបានថតរួច កំពុងត្រៀមចាក់បញ្ចាំងមានចំណងជើងថា «My Name» ដែលនឹងដាក់ផ្សាយនៅលើ Netflix នាពេលឆាប់ៗខាងមុខនេះ។

ដ្បិតតែ Han So Hee ជាតារារះថ្មីដែលទើបប្រឡូកជាង ៥ ឆ្នាំពិតមែន តែតារាស្រីរូបនេះមានភាពមមាញឹកជាខ្លាំងក្នុងការងារ ដោយបច្ចុប្បន្ននាងមាននាក់តាមដានជាង ៤,៥ លាននាក់នៅលើ Instagram ជាតារាស្រីមានឥទ្ធិពលមួយរូប។ ជាមួយការងារដែលចូលមកបន្តបណ្តាក់គ្នា Han So Hee កសាងបានទ្រព្យសម្បត្តិសរុបជាង ៣ លានដុល្លារ៕