តារាប្រុសស្រីខ្មែរ ២ រូប មានបងប្អូនភ្លោះនឹងគ្នា មើលមួយភ្លែតអាចចាប់ច្រឡំ

កាលពីកន្លងមក «ប្រជាប្រិយ» ធ្លាប់តែបានចុះផ្សាយពីសិល្បករ-សិល្បការិនី ដែលទទួលបានកូនភ្លោះប្រុសស្រីជាចំណងដៃ ក្រោយចាប់ដៃគ្នាសាងគ្រួសារ ។​ ដោយឡែក បើនិយាយពីសិល្បករ-ការិនី ជាកូនភ្លោះវិញ ច្បាស់ណាស់មហាជនខ្លះនៅមិនទាន់បានដឹងនៅឡើយទេថា មានតារាប្រុសស្រីណាខ្លះ ?

ជាការពិត បើនិយាយពីតារាប្រុសស្រីជាកូនភ្លោះ នៅក្នុងវថីសិល្បៈ ហាក់កម្រមានណាស់ តែយ៉ាងណាថ្ងៃនេះ «ប្រជាប្រិយ» នឹងឆ្កិះយកតារាចម្រៀងប្រុសស្រី ២ គូ ដែលជាកូនភ្លោះនឹងគ្នាមកបង្ហាញជូនលោកអ្នក ៖

១- តារាចម្រៀង ឈិត សុវណ្ណបញ្ញា និង ប្អូនស្រីភ្លោះ ឈិត សុវណ្ណនុកា

មហាជនអ្នកគាំទ្រជីវិតឯកជនរបស់តារាចម្រៀង ឈិត សុវណ្ណបញ្ញា ធ្លាប់បានដឹងមកហើយថាតារាចម្រៀងរូបនេះ មានបងប្អូនចំនួន ៥ នាក់ គឺប្រុស ២ នាក់ និង ស្រី ៣ នាក់ ។ ក្នុងចំណោមបងប្អូនស្រី ៣ នាក់ គឺកញ្ញា ឈិត សុវណ្ណបញ្ញា មានប្អូនស្រីជាកូនភ្លោះនឹងនាង ។ កន្លងមក ប្អូនស្រីភ្លោះរបស់កញ្ញា គឺអ្នកនាង ឈិត សុវណ្ណនុកា ក៏ធ្លាប់បានចូលរួមសម្តែង MV នៅក្នុងផលិតកម្មហង្សមាសរួមគ្នាជាមួយនឹងកញ្ញា ​ឈិត សុវណ្ណបញ្ញា ជាច្រើនបទផងដែរ ។

២- តារាចម្រៀង ស៊ិន សុភា និង តារាចម្រៀង ស៊ិន សុភ័ក្ត្រ

បើនិយាយពីលោក ស៊ិន សុភា និង លោក ស៊ិន សុភ័ក្ត្រ ត្រូវបានគេស្គាល់តាមរយៈក្រុមចម្រៀង Twin Boys ដែលពួកគេជាបងប្អូនភ្លោះនឹងគ្នា ។ កន្លងមក តារាចម្រៀងជាកូនភ្លោះប្រុស ២ រូបនេះ បានសហការណ៍ចេញបទចម្រៀងជាច្រើនជាមួយនឹង កញ្ញា គង់ ចាន់រដ្ឋា ដោយទទួលបានការគាំទ្រមិនស្ទើរទេពីមហាជន ៕