អ្នកណាហ្វេនរឿងតៃវ៉ាន់? មើល Idol ចុះ អាយុ ៤៦ឆ្នាំហើយ នៅជះភាពសង្ហា ស្មានទើប ២០ស្ដើង
តារាចម្រៀង និង សម្ដែងតៃវ៉ាន់ លោក Jimmy Lin ដែលជាតួឯកប្រុស ក្នុងរឿង «My Lucky Star» ដ៏ល្បីកាលពីឆ្នាំ ២០០៧ ទទួលបានប្រជាប្រិយភាពក្នុងការគាំទ្រយ៉ាងខ្លាំងពីសំណាក់ទស្សនិកជន និងអ្នកគាំទ្រទាំងក្នុង និង ក្រៅប្រទេស ផងដែរ ។
គិតរហូតមកដល់បច្ចុប្បន្ននេះ តារាសម្ដែងប្រុស និង ជាអ្នកប្រណាំងឡានអាជីពរូបនេះ ឈានចូលវ័យ ៤៦ឆ្នាំហើយ ប៉ុន្តែសម្រស់របស់លោកនៅតែមិនថមថយទៅតាមអាយុនោះឡើយ ពោលគឺនៅតែស្រស់សង្ហាដូចមុនដដែល។
ថ្វីត្បិតថា តារាប្រុសរូបនេះ ហាក់ដូចជាឃ្លាតឆ្ងាយពីវិស័យសិល្បៈអស់រយៈពេលច្រើនឆ្នាំ មិនសូវជាបង្ហាញមុខក៏ពិតមែន ប៉ុន្តែនៅលើបណ្ដាញសង្គម Instagram របស់លោក នៅតែមានបង្ហាញពីជីវិតឯកជនផ្ទាល់ខ្លួនរស់នៅយ៉ាងមានភាពហ៊ឺហារ និងពេញដោយក្តីសុខ ។ លោក បានរៀបការជាមួយនឹងភរិយារបស់លោក អ្នកនាង Kelly Chen ដែលជាតារាម៉ូដែល និង សម្ដែងអាជីព ព្រមទាំងមានកូន ៣នាក់ ក្នុងបន្ទុកគ្រួសារ។
អ្វីដែលធ្វើឱ្យអ្នកគាំទ្រកាន់តែកត់សម្គាល់ខ្លាំងជាងនេះ គឺ Jimmy Lin បើទោះជាលោកមានវ័យ ៤៦ឆ្នាំហើយមែន ប៉ុន្តែបើនិយាយត្រឡប់មកវិញ លោក នៅតែស្អាតសង្ហាមិនចាញ់អ្នកមានវ័យជាង ២០ ឆ្នាំនោះទេ បើសិនជាគេមិនបានដឹងពីអាយុពិតរបស់លោកនោះ៕
