ស្ងាត់ៗ ឈិន សុធារី ក្លាយជាជំទាវ ក្រោយប៉ះស្នេហ៍ឧកញ៉ាសង្ហា កាន់ជំនួញពេញដៃ ហ៊ឹកហ៊ាក់ណាស់

ជឿជាក់មហាជនពិតជាបានជ្រាបហើយថា អតីតតារាចម្រៀង និង ពិធីការិនី ឈិន សុធារី បានរកឃើញអ្នកស្អំបេះដូងថ្មីជាបុរសរូបសង្ហា មានងារជាឧកញ៉ា ហើយថែមទាំងជាអ្នកជំនួញថែមទៀត តែថ្មីៗកន្លងទៅនេះ ឈិន សុធារី បានព្រលយថា យើងអស់កម្មជាមួយគ្នាត្រឹមនេះ ធ្វើឱ្យមិត្តភក្តិមានការងឿងឆ្ងល់ជាខ្លាំង ហើយខ្លះសង្ស័យថាគូស្នេហ៍ទើបចាប់ផ្តើមនោះ អាចឈានដល់ផ្លូវបែកបាក់ផងដែរ ។

យ៉ាងណាមិញ ស្រាប់តែនៅថ្ងៃទី ១៥ ខែកក្កដា ឆ្នាំ ២០២១ នេះ មន្ទិលសង្ស័យខាងលើ ក៏បានបាត់រលុបទៅ បន្ទាប់ពីអតីតតារាចម្រៀង ឈិន សុធារី បានដឹកដៃគូស្នេហ៍ជាឧកញ៉ារូបនោះ ទៅធ្វើការបើកសម្ពោធលក់គម្រោងផ្ទះល្វែងប្រមាណជា ៤០០ ល្វែងជាមួយគ្នា ។ នេះបើតាមការបង្ហោះនៅលើផេកសិល្បករកម្ពុជា ។

សកម្មភាព និង រូបភាពទាំងនោះដែរ បានធ្វើឱ្យមិត្តភក្តិក្នុង និង ក្រៅសិល្បៈជាច្រើន បាននឹកសរសើរដល់តារាស្រីរូបនេះ ដែលទីបំផុតអ្នកនាងបានរកស្នេហ៍ថ្មីឃើញ ជាបុរសវ័យកណ្តាលម្នាក់មានទាំងព្រម មិនថាទ្រព្យធន ឋានៈ ឬ រូបសម្បត្តិឡើយ ។ ជាពិសេសក្រោយពីសាងស្នេហ៍ថ្មីយ៉ាងផ្អែមល្ហែមហើយនោះ អ្នកនាង ឈិន សុធារី ក៏បានក្លាយជាជំទាវ ក្តោបនូវមុខជំនួញមួយចំនួននៅក្នុងដៃ រួមនឹងជំនួញអចលនៈទ្រព្យទៀតផង ៕