អស់ទាស់! អម្ពរ ទេវី សម្ញែងឈុតវាលសាច់នារដូវក្តៅកម្តៅ ផ្អើលអ្នកគាំទ្រក្នុងស្រុក

ជាការពិតណាស់ ទោះចាកឆ្ងាយពីពិភពសិល្បៈក្នុងស្រុកអស់រយៈពេលជាច្រើនឆ្នាំហើយក្តី ប៉ុន្តែតារាភាពយន្តល្បីឈ្មោះទសវត្សន៍ ៨០-៩០ អ្នកនាង អម្ពរ ទេវី នៅតែជាតារាសម្តែងស្រីនៅក្នុងដួងចិត្តរបស់អ្នកគាំទ្រ ក៏ដូចជាសិល្បករ-ការិនី ជំនាន់ក្រោយដូចដើម ។ ក្នុងនោះ អ្នកគាំទ្រនៅប្រទេសកម្ពុជា តែងតែតាមដានពីជីវិតឯកជនរបស់តារាល្បីរូបនេះតាមរយៈគណនីហ្វេសប៊ុករផងដែរ ។

តួយ៉ាងកន្លងមក អ្នកនាង អម្ពរ ទេវី តែងតែបង្ហាញពីជីវិតរស់នៅជាមួយនឹងស្វាមី និង កូនៗរបស់អ្នកនាងយ៉ាងមានសុភមង្គល និង ហ៊ឺហារ ធ្វើឱ្យអ្នកលេងបណ្តាញសង្គមហ្វេសប៊ុកជាច្រើនលួចសរសើរ និង ច្រណែនជីវិតរបស់អ្នកនាងទៀតផង ។

ដោយឡែកថ្មីៗនេះ អ្នកនាង អម្ពរ ទេវី បានបង្ហាញជីវិតរីករាយជាមួយនឹងស្វាមីក្រោយ ព្រមទាំងកូនស្រីពៅរបស់អ្នកនាងជាថ្មីម្តងទៀតហើយ ក្នុងដំណើរកម្សាន្តនារដូវក្តៅនៅឯ La Vegas ។ ក្នុងនោះ អ្វីដែលធ្វើឱ្យមហាជនអ្នកគាំទ្រចាប់អារម្មណ៍ដល់តារាភាពយន្តជើងចាស់រូបនេះ គឺអ្នកនាងបានសម្ញែងខ្លួនក្នុងរ៉ូបដៃតូច វាលខ្នង នៅក្រោមកម្តៅថ្ងៃយ៉ាងជឿជាក់ ។ ជាពិសេស បើនិយាយពីសម្រស់វិញនោះ គឺអ្នកនាងនៅតែក្មេង ស្អាតដូចដើមតែម្តង ៕