ឃ្លាតពីសិល្បៈ ឈិត សុជាតា កំពុងសំងំសាងសុភមង្គលជាមួយស្វាមី និង កូនភ្លោះទាំងពីរ

ពិធីការិនី និង តារាសម្ដែងសម្បូរដោយប្រជាប្រិយភាព អ្នកនាង ឈិត សុជាតា បានឃ្លាតឆ្ងាយពីអាជីពសិល្បៈអស់រយៈពេលច្រើនឆ្នាំមកហើយ បន្ទាប់ពីនាងមានស្វាមី និង កូនភ្លោះប្រុសស្រីដ៏ឆ្លាតៗ គួរឱ្យស្រឡាញ់ដល់ទៅពីរនាក់មក ។

ការស្ងប់ស្ងាត់ពីអាជីពសិល្បៈរបស់តារាសម្ដែង ឈិត សុជាតា ទំនងជានាងចង់យកពេលវេលាទៅមើលថែក្រុមគ្រួសារ ជាពិសេសកូនភ្លោះដ៏គួរឱ្យស្រឡាញ់ទាំងពីររបស់នាងផង និង ម្យ៉ាងទៀត នាងត្រូវមើលថែមុខជំនួញផ្ទាល់ខ្លួនផង ។

និយាយដល់ជីវិតឯកជនរបស់តារាស្រីខាងលើ បច្ចុប្បន្ន ឈិត សុជាតា កំពុងមានក្ដីសុខខ្លាំងណាស់ជាមួយស្វាមី និង កូនៗទាំងពីរ ព្រោះថាជារឿយៗ អ្នកនាងតែងតែបង្ហោះរូបថតបង្ហាញពីសុភមង្គលក្នុងគ្រួសារតូចមួយនេះតាមរយៈបណ្ដាញសង្គមហ្វេសប៊ុក ចែករំលែកដល់អ្នកគាំទ្ររបស់ខ្លួនជានិច្ច ។

តួយ៉ាងថ្មីៗនេះ អ្នកម៉ាក់ដ៏ស៊ីវិល័យខាងលើ បានបង្ហោះរូបថតផ្អែមល្ហែមជាមួយស្វាមី និង កូនប្រុសស្រីសំណព្វចិត្តរបស់ពួកគេ ស្ដែងឱ្យឃើញពីភាពកក់ក្ដៅ ការស្រឡាញ់យកចិត្តទុកដាក់ចំពោះគ្នាទៅវិញទៅមក ធ្វើឱ្យគ្រួសារទាំងមូលពោរពេញដោយភាពរីករាយ មានតែស្នាមញញឹមគួរឱ្យច្រណែន ។

ទន្ទឹមនឹងទម្លាយរូបថតស្ដែងពីជីវិតឯកជនដ៏កក់ក្ដៅ ហាយសូរហើយនោះ ឈិត សុជាតា នៅឆ្លៀតរៀបរាប់ពាក្យសម្ដីយ៉ាងមានអត្ថន័យទៀតថា «សុភមង្គលពិត វាមិននៅឆ្ងាយទេ វាជាអ្វីដែលយើងកំពុងមាន សំខាន់យើងមើលឃើញតម្លៃវា ឬ យ៉ាងណា» ៕