ម្តងណាក៏ទាក់ភ្នែក! ឱក សុគន្ធកញ្ញា តែងខ្លួនបែបប្រពៃណីទាំងគ្រួសារ រង់ចាំទេវតាឆ្នាំថ្មី

ឱកាសបុណ្យចូលឆ្នាំប្រពៃណី ឆ្នាំឆ្លូវ មហាជនអ្នកលេងបណ្តាញសង្គមហ្វេសប៊ុក ហាក់សង្កេតឃើញថា មានសិល្បករ សិល្បការិនីជាច្រើន បានចូលរួមបង្ហោះសារ និង រូបភាពបណ្តើរៗដើម្បីអបអរទេវតាឆ្នាំថ្មី ។

បើក្រឡេកទៅមើល កំពូលតារាចម្រៀង ឱក សុគន្ធកញ្ញា ក៏មិនខុសប្លែកពីសព្វមួយដងដែរ ដោយ អ្នកនាង និង ក្រុមគ្រួសារ តែងតែបង្ហោះរូបភាពទៅតាមទម្លាប់នៃកម្មវិធីបុណ្យជារឿយៗ ហើយចូលឆ្នាំខ្មែរ ឆ្នាំនេះ តារាចម្រៀងរូបនេះ ក៏បានបង្ហាញរូបភាពក្នុងឈុតប្រពៃណីជាលក្ខណៈគ្រួសារតែម្តងជូនដល់អ្នកគាំទ្រ ។

រូបភាពជាច្រើនសន្លឹក ក្នុងឈុតប្រពៃណី ដោយមានអមដោយទេសភាព ផ្ទះឈើ ក៏ដូចជាសត្វសេះស នោះ ពិតជាធ្វើឱ្យមហាជនសរសើរមិនដាច់ពីមាត់ពីសម្រស់របស់ ឱក សុគន្ធកញ្ញា ។ លើសពីនោះ អ្វីដែលកាន់តែធ្វើឱ្យមហាជនចាប់អារម្មណ៍កាន់តែខ្លាំង គឺកូនប្រុស ឆលី អាយុជាង ១ ខួប របស់អ្នកនាង ក្នុងឈុតប្រពៃណី ចងក្បិន គឺមើលទៅពិតជាគួរឱ្យស្រឡាញ់ណាស់ ៕