ស្ងាត់ការងារសិល្បៈ ស្រាប់តែ អ៊ីវ៉ា បែកគំនិតចាប់មុខរបរថ្មីមួយ បន្ថែមលើអាជីព និងជំនួញចាស់

មិនមែនមានតែតារាចម្រៀង អ៊ីវ៉ា ប៉ុណ្ណោះទេ តារាជាច្រើនសុទ្ធតែស្ងប់ស្ងាត់ការងារសិល្បៈដែរក្នុងពេលបច្ចុប្បន្ននេះ តែអ្វីដែលចាប់អារម្មណ៍ ក្នុងពេលកំពុងស្ងាត់ការងារសិល្បៈនេះ តារាចម្រៀង អ៊ីវ៉ា បានងាកមកប្រកបរបរថ្មីបន្ថែមមួយទៀតលើអាជីព ​និង ជំនួញចាស់ ដោយកំពុងទទួលបានការគាំទ្រពីអតិថិជនគួរសម ។

ក្រៅពីការងារសិល្បៈ កន្លងមក អ៊ីវ៉ា ក៏ជាម្ចាស់ហាងលក់សម្លៀកបំពាក់ និង ផលិតផលរក្សាសម្រស់ម្នាក់ដែរ ប៉ុន្តែថ្មីៗនេះតារាចម្រៀងរូបនេះបានបន្ថែមរបរថ្មីមួយទៀតគឺការលក់អាហារ ដែលគេចាប់អារម្មណ៍ឃើញថាកាក់កបគួរសម បើទោះទើបបើកដំណើរការក្តី ។ ក្នុងនោះក៏មានការសរសើរដល់តារាចម្រៀង អ៊ីវ៉ា ទោះមានឈ្មោះបោះសំឡេង តែបែរជាមកសន្សំលុយកាក់ល្អិតតាមរយៈការប្រកបរបរបែបនេះទៅវិញ ប៉ុន្តែក៏មានការព្រលយថារបរបែបនេះមើលទៅសាមញ្ញទេ តែកុំមើលស្រាលបើលក់ដាច់មិនធម្មតាដែរហ្នឹង ។

មួយរយៈចុងក្រោយនេះ អ៊ីវ៉ា ហាក់មិនសូវមានសកម្មភាពថ្មីៗនោះឡើយ ហើយងាកមកបទចម្រៀងរបស់នាងក៏មិនមានផ្ទុះនោះដែរ ប៉ុន្តែយ៉ាងណាតារារូបនេះតែងបង្កើតភាពស្និទ្ធស្នាលជាមួយអ្នកគាំទ្រតាមរយៈការបង្ហោះរូបភាពស្អាតៗនៅតាមបណ្តាញសង្គម ។ ស្របពេលតារាជាច្រើនសុទ្ធតែមានម្ចាស់ចិត្តនោះ អ៊ីវ៉ា ហាក់ស្ងាត់ឈឹងចំពោះរឿងមួយនេះ ៕