ទើបលេចមុខក្នុងសិល្បៈជាថ្មី ស្រាប់តែ ឡុង ថាវរី ប្រាថ្នាចង់ក្លាយជាបែបនេះវិញ

ថ្មីៗនេះ ឡុង ថាវរី បានលេចមុខម្តងទៀតនៅក្នុងវិស័យសិល្បៈ ក្រោយបានផ្អាកពីអាជីពនេះមួយរយៈធំ ។ មិនខុសបំណងឡើយគ្រាន់តែវិលមកជាថ្មី ឡុង ថាវរី ក៏មានឱកាសបានសម្តែងបទចម្រៀងជាលើកដំបូងជាមួយតារាចម្រៀងល្បីម្នាក់ ដែលនាងប្រាថ្នាជាយូរមកហើយ ។

មិនត្រឹមតែមានសម្រស់ស្អាតប៉ុណ្ណោះទេ ឡុង ថាវរី ថែមទាំងមានសំណាងរស់នៅក្នុងជីវភាពហ៊ឺហារួមជាមួយនឹងការប្រើប្រាស់នូវសម្ភារៈទំនើបៗទៀតផង ធ្វើឱ្យស្រ្តីមិនតិចទេច្រណែនវាសនារបស់នាង ប៉ុន្តែថ្មីៗនេះស្រីស្អាតសាច់សខ្ចីរូបនេះបែរជាព្រលយថា «ចង់កើតជាមនុស្សប្រុសស្រួលគ្រប់យ៉ាងមិនចាំបាច់ខ្វល់» ។ ការលើកឡើងរបស់ ឡុង ថាវរី បានធ្វើឱ្យមិត្តភក្តិនៅក្នុងបណ្តាញសង្គមមានការចូលរួមបញ្ចេញមតិគ្រប់គ្នា ខ្លះលើកឡើងថាកុំថាមនុស្សប្រុសស្រួលពិបាកជាងមនុស្សស្រីខ្លាំងណាស់ ។

គេមិនបានដឹងថាមូលហេតុអ្វី បានជាសុខៗស្រីស្អាត ឡុង ថាវរី បែរជាមានគិតបែបនេះឡើយ ។ មួយរយៈមុន ឡុង ថាវរី ក៏បានបង្ហាញវត្តមាននៅក្នុងការសម្តែងបទចម្រៀងជាមួយលោក ព្រាប សុវត្ថិ ធ្វើឱ្យនាងមានការរីករាយជាខ្លាំង ដោយនេះជាលើកដំបូងដែលនាងបានសម្តែងជាមួយតារាចម្រៀងដ៏ល្បីរូបនេះ ហើយក៏ជាបំណងរបស់នាងជាយូរមកហើយដែរ ៕