រស់ សុធាវី នៅបន្តធ្វើចត្តាឡីស័ក ខណៈមិត្តភក្តិរួមក្រុមឆ្លងកូវីដ-១៩ បន្តបន្ទាប់

ខណៈដែលមិត្តរួមក្រុមមួយចំនួននៅក្នុងផលិតកម្មហង្សមាសបានផ្ទុកវីរុសកូវីដ-១៩ ពេលនេះពិធីការិនី រស់ សុធាវី ហាក់មិនស្ងប់ចិត្តឡើយ តែពេលនេះនាងមិនមានរោគសញ្ញាអ្វីគួរឱ្យបារម្ភឡើយយ៉ាងណានាងនៅតែបន្តឃុំខ្លួនដាច់ដោយឡែកពីក្រុមគ្រួសារ ។

ដើម្បីជាការអរគុណដល់មិត្តភក្តិក៏ដូចជាអ្នកគាំទ្រទាំងក្នុង និង ក្រៅប្រទេសដែលចង់ដឹងពីសុខទុក្ខរបស់នាង ពេលនេះពិធីការិនី រស់ សុធាវី បានរៀបរាប់ឱ្យដឹងថា នាងបានតាមដានសុខភាពជាប្រចាំឃើញថាមិនមានអ្វីប្លែកនោះទេ គឺល្អជាធម្មតា ប៉ុន្តែនាងបានដាក់ខ្លួនដាច់ដោយឡែកពីមិត្តរួមការងារក៏ដូចជាក្រុមគ្រួសារផង​ដែរ ។ ជាមួយគ្នានោះដែរពិធិការិនីកូនពីររូបនេះក៏បានជូនពរដល់មិត្តភក្តិរួមផលិតកម្មឱ្យឆាប់បានជាសះស្បើយ ពីជំងឺនេះ និង សំណូមពរឱ្យបងប្អូន ទាំងអស់អនុវត្តតាមការណែនាំរបស់រាជរដ្ឋាភិបាល ៣ ការពារ និង ៣ កុំឱ្យបានខ្ជាប់ខ្ជួនផងដែរ ។

ការលើកឡើងរបស់ រស់ សុធាវី បានធ្វើមិត្តភក្តិក្នុង និង ក្រៅសិល្បៈមានការធូរចិត្តជាខ្លាំង ។ រស់ សុធាវី ជាពិធីការិនីប្រចាំទូរទស្សន៍ហង្សមាសនាងលេចមុខនៅក្នុងកម្មវិធីប្រគំតន្រ្តីនានារបស់ទូរទស្សន៍រួមនឹងការអានព័ត៌មានពេលព្រឹកផងដែរ ។ ក្រៅពីពិធីការិនី នាងក៏លេចមុខនៅក្នុងការថតស្ប៉តនានាផងដែរ ៕