វ៉ាវ! សំងំៗ ដួង ម៉ានិច សម្ញែងផ្ទះវីឡាធំស្កឹមស្កៃកំពុងសាងសង់ ជាញើសឈាមពីសិល្បៈ

ស្របពេលដែលមិត្តភក្តិក្នុងសង្គមសិល្បៈមានការត្អូញត្អែរគ្រប់គ្នាពីការធ្លាក់ចុះនៃប្រាក់ចំណូលនោះ ពេលនេះតារាសម្តែងរូបស្រស់ ដួង ម៉ានិច បានបង្ហាញសមាជិកថ្មីធំស្កឹមស្កៃ ដែលសាងសង់មិនទាន់រួចរាល់នៅឡើយទេ ធ្វើឱ្យមហាជនមិនតិចទេជញ្ជក់មាត់សរសើរនាងគ្រប់គ្នា ។

មិនមែនជាលើកដំបូងទេកន្លងមក ដួង ម៉ានិច តែងបង្ហាញនូវសមិទ្ធផលនានាជាច្រើន ដែលនាងទទួលបានពីភាពជោគជ័យនៅក្នុងសង្គមសិល្បៈ ។ យ៉ាងណាមិញថ្មីៗនេះតារារូបស្រស់ម្នាក់នេះបានធ្វើឱ្យមិត្តភក្តិក្នុងសិល្បៈភ្ញាក់ផ្អើលមិនតិចទេ ដោយសំងំៗនាងបានបង្ហាញផ្ទះវីឡាធំមួយសាងសង់មិនទាន់រួចនៅឡើយ ។ ក្នុងនោះ ដួង ម៉ានិច បានបង្ហោះសារភ្ជាប់ជាមួយភាពជោគជ័យរបស់នាងថា «បំពេញតួនាទីអ្នកឱ្យបានល្អធ្វើកិច្ចការងារដែលត្រឹមត្រូវសាងអំពើល្អជាប្រចាំ។ គេគិតយ៉ាងណា ហាមគេមិនបានទេ» ។ ជាមួយនឹងភាពជោគជ័យរបស់ តារាសម្តែង ដួង ម៉ានិច្ច បានធ្វើឱ្យមហាជនក៏ដូចជាមិត្តភក្តិក្នុងសិល្បៈមានការកោតសរសើរដល់ការខិតខំប្រឹងប្រែងរហូតទទួលបានលទ្ធផលសមប្រកបបែបនេះ ។

ដួង ម៉ានិច្ច គឺជាតារាសម្តែងម្នាក់ដែលទីផ្សាររីកទូលាយ នាងក្តោបបានទាំងការសម្តែងរឿង ​និង ការថតស្ប៉តពាណិជ្ជកម្មនានាជាច្រើន ។ មិនត្រឹមតែមានសមត្ថភាពក្នុងការសម្តែងប៉ុណ្ណោះទេ ដួង ម៉ានិច ក៏ក្លាហានក្នុងការសម្តែងឈុតស្នេហារោលរាលមិនចាញ់តារាសម្តែង ឌុច លីដា ប៉ុន្មានឡើយ ៕

រូបថត ៖ ហ្វេសប៊ុក