សម្រាកព្យាបាលកូវីដ-១៩ បាន ២ ថ្ងៃ បញ្ញា សិទ្ធ មានអ្នកឧបត្ថម្ភហូរហែ ខ្លះ ៥០$ ខ្លះ ១០០$ ខ្លះ ២០០$
រយៈពេល ២ ថ្ងៃហើយ ដែលតារាចម្រៀង និង តារាសម្តែង លោក បញ្ញា សិទ្ធ បានសម្រាកព្យាបាលកូវីដ-១៩ នៅឯអតីតអាំងទែរកុងទីណង់តាល់ (The Great Duke) ក្រោយពីរកឃើញឆ្លងនៅយប់ថ្ងៃទី ១៦ ខែមីនា ឆ្នាំ ២០២១ កន្លងទៅ ។
យ៉ាងណាមិញ ក្រោយពីកំពុង និង សម្រាកព្យាបាល មហាជនអ្នកលេងបណ្តាញសង្គមហ្វេសប៊ុកកំពុងតែចាប់អារម្មណ៍ដល់ លោក បញ្ញា សិទ្ធ ដែលមកទល់ពេលនេះលោកមានអ្នកជួយឧបត្ថម្ភថវិកាដើម្បីលើកទឹកចិត្តដល់លោក ដោយខ្លះ ៥០ ដុល្លារ ខ្លះ ១០០ និង ខ្លះទៀត ២០០ ដុល្លារ ឯណោះ ។ លើសពីនោះ ក៏មាននូវការផ្តល់ជូនសម្ភារទៀតផងដែរ ។ នេះបើតាមការបង្ហោះនៅលើគណនីហ្វេសប៊ុករបស់លោក នៅថ្ងៃទី ១៨ ខែមីនា ឆ្នាំ ២០២១ នេះ ៕
