គូស្នេហ៍ អេដវីន ត្អូញត្អែរមុនកូវីដមួយខែៗរកបានរាប់ម៉ឺនដុល្លារ ឥលូវផ្ទុយស្រឡះ
បច្ចុប្បន្នប្រទេសកម្ពុជាយើងកំពុងផ្ទុះឆ្លងការរីករាលដាលនៃវីរុសកូវីដ-១៩ ក្នុងសហគមន៍មិនទាន់បានធូរស្រាលនៅឡើយ ដោយក្នុងនោះធ្វើឱ្យហាងតូចធំមួយចំនួន ត្រូវបិទទ្វាផ្អាកដំណើរការដោយសារគ្មានអតិថិជន ។
ក្នុងចំណោមនោះ ហាងសាច់អាំងរបស់តារាសម្ដែងប្រុសរូបសង្ហា អេដវីន និង គូស្នេហ៍ ដែលកន្លងមកធ្លាប់មានអតិថិជនចូលមិនដាច់នោះ ពេលនេះក៏ត្រូវផ្អាកដំណើរការដែរ ។ គូស្នេហ៍ អេដវីន បង្ហោះសារត្អូញត្អែរនៅលើបណ្ដាញសង្គមថា កាលពីមុនហាងសាច់អាំង លក់ដាច់ខ្លាំងណាស់ មួយខែៗអាចរកចំណូលបានមិនក្រោម ២ ម៉ឺនដុល្លារទេ កុំតែបានមុខរបរលក់ចេកអាំង និង កាហ្វេ ដើម្បីទប់ទល់ស្ថានការណ៍ ។
គូស្នេហ៍ អេដវីន រៀបរាប់ថា «សាច់អាំងអត់លក់ បានចេកអាំង និង កាហ្វេ យោងលក់មុខហាង កាម៉ាប់ សាច់អាំង កុំអសៀងរាល់ថ្ងៃ នៅលុយលក់បានក្នុង App ជិត 400$ ដែរ ទប់បានម៉ាកូវីដ ធ្លាប់តែរកបាន មួយខែមិនដែលក្រោម 2 ម៉ឺន$ (តែមិនមែនសល់បាន 2 ម៉ឺន$ ទេណា គឺសល់ជិត 1 ម៉ឺន ខ្ញុំនិយាយលុយរកបាន) ដល់លូវ កន្លះខែហើយ រកមិនបាន 5000$ ផង កន្លះខែហើយ សងអីវ៉ាន់ គ្រឿងផ្សំ ធ្យូង អីអស់ សល់បាន4លានជាង» ៕
