បញ្ញា សិទ្ធ ទម្លាយពីអាការភ្លាមៗបែបនេះ ក្រោយចូលព្យាបាលបាន ១ ថ្ងៃ

កាលពីយប់ថ្ងៃទី ១៦ ខែមីនា ឆ្នាំ ២០២១ ម្សិលមិញនេះ តារាចម្រៀង និង តារាសម្តែង លោក បញ្ញា សិទ្ធ បានរកឃើញវិជ្ជមានកូវីដ-១៩ និង បញ្ជូនទៅមន្ទីរពេទ្យសម្រាកព្យាបាលទាំងយប់ ។

មកដល់ថ្ងៃទី ១៧ ខែមីនា ឆ្នាំ ២០២១ នេះ លោក បញ្ញា សិទ្ធ បានឲ្យដឹងនៅលើគណនីហ្វេសប៊ុករបស់លោកថា អាការរបស់លោកចុះខ្សោយជាងម្សិលមិញ ដោយលោកឈឺក្បាល ស្ងួតក ក្តៅខ្លួន ព្រមទាំងអស់កម្លាំងទៀតផង ។

លើសពីនោះអ្វីដែលកាន់តែធ្វើឲ្យមហាជនអ្នកលេងបណ្តាញសង្គមហ្វេសប៊ុក និង មិត្តសិល្បករកាន់តែបារម្ភដល់លោក បញ្ញា សិទ្ធ ទៀតនោះ គឺស្របពេលកំពុងសម្រាកព្យាបាល តារាប្រុសរូបនេះ ហាក់នឹកគិតបារម្ភដល់ឪពុកម្តាយយ៉ាងខ្លាំង ដោយខ្លាចលោកឆ្លងនូវជំងឺនេះ ។

លោក បញ្ញា សិទ្ធ បានរៀបរាប់ក្តីបារម្ភថា «សូមទេវត្តាតាមថែរក្សាអ្នកម្តាយរបស់ខ្ញុំ និង លោកប៉ាកុំឲ្យឆ្លងឲ្យសោះ ជាពិសេសម្តាយខ្ញុំ ។ កូនបារម្ភណាស់» ៕