ដឹងមូលហេតុពិត ដែល ស៊ិន ឧត្តមផល្លា ប្រែសម្បុរខ្មៅ ពិតជាគួរឱ្យអាណិត

ពេលនេះតារាចម្រៀង ស៊ិន ឧត្តមផល្លា បានចេញមុខបញ្ជាក់ពីមូលហេតុពិតប្រាកដដែលធ្វើឱ្យនាងមានសម្រស់ និង សម្បុរប្រែប្លែកខុសឆ្ងាយពីមុន ។ ជាមួយនឹងមូលហេតុពិតប្រាកដរបស់តារាចម្រៀងរូបនេះបានធ្វើឱ្យអ្នកគាំទ្រមានការអាណិតអាសូរដល់នាងគ្រប់គ្នា ។

គេចាំបានថាកាលពីពេលថ្មីៗនេះ ស៊ិន ឧត្តមផល្លា បានធ្វើឱ្យមិត្តភក្តិ និង អ្នកគាំទ្រមានការភ្ញាក់ផ្អើល ក្រោយពីនាងបានបង្ហាញរូបភាពមានមុខមាត់ និង សម្បុរខ្មៅប្លែកខុសពីមុន ។ ក្នុងនោះក៏ធ្វើឱ្យមានការបញ្ចេញមតិផ្សេងៗគ្នាជុំវិញការប្រែប្រួលរូបសម្រស់របស់តារារូបនេះ ។ មិនរង់ចាំយូរពេលនេះ ស៊ិន ឧត្តមផល្លា បានចេញមុខបញ្ជាក់ពីមូលហេតុដែលធ្វើឱ្យនាងមានការប្រែប្រួលសម្រស់ថា «ហេតុអីបានជាខ្ញុំសម្រេចបង្ហោះរូបទាំងដែលដឹង ថាមុខមាត់មិនទាន់ប្រក្រតី ? ព្រោះខ្ញុំមិនចង់ឱ្យ បងប្អូនខាងសារព័ត៌មាន ឬក៏ខាងទូរទស្សន៍នានា គិតថាខ្ញុំឫកពាមិនចង់ផ្តល់បទសម្ភាស ។ ឥឡូវនេះបងប្អូនបានឃើញហើយ បងប្អូនប្រាកដជាឆ្ងល់ថាហេតុអ្វីមែនទេ ? នេះគឺមកពីឥទ្ធិពលកាំរស្មីនៃការព្យាបាលជំងឺ ហើយខ្ញុំក៏មិនចង់បកស្រាយអ្វីច្រើនជាងនេះដែរ» ។ ការលើកឡើងរបស់ ស៊ិន ឧត្តមផល្លា បានធ្វើឱ្យអ្នកគាំទ្រមានការអាណិតអាសូរនឹងជូនពរឱ្យនាងបានជាសះស្បើយពីជំងឺមួយនេះ ។

ទោះជាយ៉ាងនេះក្តី ស៊ិន ឧត្តមផល្លា មិនប្រាប់ថានាងមានជំងឺអ្វីធ្ងន់ធ្ងររហូតដល់បាញ់កាំរស្មីបែបនេះទេ ។ បើគិតមកដល់ពេលនេះជាច្រើនខែហើយដែល ស៊ិន ឧត្តមផល្លា បានបន្សាត់ខ្លួនចេញពីវិស័យមួយនេះ។ កន្លងមកនាងបានអះអាងថាចាំសក់ដុះវែងទើបចូលមកបន្តការងារសិល្បៈវិញ ៕