ទើបតែអាយុ ៤ ខែសោះ កូនប្រុស ជា ម៉ារី មុខច្រមិចៗ គួរឱ្យក្នាញ់ណាស់

បើគិតមកដល់ពេលនេះ អតីតតារាសម្តែង ជា ម៉ារី សម្រាលកូនដំបូងបានប្រមាណជាជិត ៤ ខែហើយ ពេលនេះទាំងនាង និង កូនប្រុសមានសុខភាពល្អជាធម្មតា​ ។ អ្វីដែលគួរឱ្យក្នាញ់នោះកូនប្រុសរបស់ ជា ម៉ារី ពិតជាមានទម្រង់មុខស្អាត មើលទៅឡើងច្រមិចៗ មិនចាញ់កូនតារាបរទេសនោះទេ ។ មហាជនមិនតិចទេលាន់មាត់ថា ស្អាតអីតែកូនតារាបរទេស កូនរបស់តារាខ្មែរក៏មិនអន់នោះដែរ ។

ទោះបីដកខ្លួនពីអាជីពសិល្បៈមួយរយៈពេលក៏ពិតមែនតែ ជា ម៉ារី តែងចែករំលែករូបភាពដ៏គួរឱ្យស្រឡាញ់ជាច្រើនរបស់កូនពូជ បង្ហាញដល់អ្នកគាំទ្រដែលធ្វើឱ្យមហាជនមានការលាន់មាត់សរសើរថា កូនរបស់ ជា ម៉ារី មានសាច់ទ្រលុកទ្រលន់ពិតជាគួរឱ្យស្រឡាញ់ណាស់ស្អាតកាត់ដូចម៉ាក់ៗ ។ ជា ម៉ារី បានដាក់ឈ្មោះឱ្យកូនប្រុសដំបូងរបស់ខ្លួនថា អូន Benz ។ អ្វីដែលចាប់អារម្មណ៍ផងដែរ បើទោះសម្រាលកូនរឹងដៃរឹងជើងបន្តិចមែន តែពេលនេះ ជា ម៉ារី នៅពុំទាន់ស្រកគីឡូដូចដើមវិញទេ ប៉ុន្តែយ៉ាងណា នាងក៏ពុំទាន់ហ៊ានហាត់ប្រាណ ឬ តមអាហារដើម្បីយករាងតូចច្រឡឹងមកវិញឡើយ ។

គេចាំបានថា ក្រោយពីរៀបការកាលពីចុងឆ្នាំ ២០១៩ មក ជា ម៉ារី បានសម្រេចចិត្តដកខ្លួនចេញពីអាជីពសិល្បៈ ដោយយកពេលវេលាមកធ្វើជំនួញជាមួយស្វាមីវិញម្តង ។ ការដកខ្លួនចេញពីអាជីពសម្តែងរបស់តារារូបស្រស់ម្នាក់នេះបានធ្វើឱ្យមហាជនមិនតិចទេខកចិត្ត ព្រោះនាងជាតារាដែលមានសម្រស់ស្អាត ហើយក៏និយមតែងខ្លួនសិចស៊ីមិនធម្មតាដែរ ៕