អាយុ ៥០ ឆ្នាំហើយ តែកំពូលតារាចម្រៀងលោក Jetrin នៅតែលេងខ្លួនសង្ហាមិនចាញ់កូនៗ

លោក Jetrin Wattanasin ជាកំពូលតារាចម្រៀងម្នាក់ដែលឈរនៅលើលំដាប់ Top ក្នុងប្រទេសថៃ ដោយតារារូបនេះតែងត្រូវបានមហាជនកោតសរសើរមិនដាច់ពីមាត់ឡើយ ទៅណាមកណាតែងតែមានមហាជនគាំទ្រភ្លូកទឹកភ្លូកដី ជាពិសេសអ្នកគាំទ្រតែងសរសើរនូវរូបសម្រស់របស់លោកដែលនៅតែសង្ហា ថ្វីដ្បិតលោកមានកូន ៣ នាក់ទៅហើយនោះក៏ដោយ ។

ទោះបីជាមានវ័យ ៥០ ឆ្នាំទៅហើយក្ដីសម្រាប់កំពូលតារាចម្រៀងជួរមុខលោក Jetrin លោកនៅតែសង្ហាមិនចាញ់កូនកំលោះលោកឡើយ ដែលជារឿយៗ តារារូបនេះលែងខ្លួនមិនឱ្យចាញ់យុវវ័យសម័យថ្មីនោះទេ មិនថាស្ទីលសក់ និង ការស្លៀកពាក់ សុទ្ធសឹងតែដកក្នុងអារម្មណ៍មហាជនអ្នកគាំទ្រ ។

នាពេលថ្មីនេះៗ មហាជនមានការចាប់អារម្មណ៍ចំពោះលោក បន្ទាប់ពីឃើញលោកបានចេញមកបង្ហោះរូបភាពកូនប្រុសកំលោះៗ របស់លោកចូលទៅក្នុងគណនី Instagram ដែលកំពុងតែនាំលែង ស្គេតបត យ៉ាងរីករាយជាមួយលោកដែលជាឪពុក ។

ក្នុងនោះ មហាជនស្ទើរតែចង់ច្រឡំលោកជាមួយនឹងកូនប្រុស ដោយហេតុថាការលែងខ្លួនរបស់លោកប្រៀបបីដូចក្មេងៗអាយុ ១៧-១៨ ឆ្នាំអ៊ីចឹង ។ យ៉ាងណាមិញ ទន្ទឹមនឹងឃើញការបង្ហោះរបស់លោក Jetrin រួចមកក្នុងនោះដែរគេក៏ឃើញមហាជនច្រើនណាស់ដែលបានខមមិនអួតសរសើរសម្រស់ដ៏ក្មេងវ័យរបស់លោក ៕