ក្រោយឡើងតុលាការ ទូច ស្រីល័ក្ខ បង្ហោះរូបភាពញញឹមបិទមាត់មិនជិត
កន្លងមកគ្រប់គ្នាក៏បានដឹងរួចមកហើយថា អ្នកមេម៉ាយរូបស្រស់ ទូច ស្រីល័ក្ខ ដែលជាតារាចម្រៀង និង សម្ដែងបានបែកបាក់ស្វាមីជាជនជាតិកាណាដា ព្រមទាំងបានបន្សល់នូវចំណងដៃអាពាហ៍ពិពាហ៍ កូនប្រុសគួរឲ្យស្រឡាញ់ម្នាក់ ។
កាលពីថ្ងៃទី ១៤ ខែមករា ឆ្នាំ ២០២១ កន្លងទៅ អ្នកនាង ទូច ស្រីល័ក្ខ ក៏បានបង្ហោះសាជាថ្មីម្តងទៀតហើយ ដោយបានបញ្ជាក់ថានាងនឹងនាំកូនប្រុសបណ្តូលចិត្តរបស់នាងឡើងតុលាការជួបអតីតស្វាមីនៅសាលាដំបូង នៅថ្ងៃទី ១៥ ខែមករា ឆ្នាំ ២០២១ កន្លងទៅនេះ ។
យ៉ាងណាមិញ ក្រោយពីឡើងតុលាការរួចជាមួយនឹងកូនប្រុសហើយ ទោះជាតារាចម្រៀងរូបនេះមិនទាន់ជម្រាបច្បាស់ពីលទ្ធផលនៃការកាត់ក្តីពីតុលាការក្តី ប៉ុន្តែ ទូច ស្រីល័ក្ខ បានបង្ហោះរូបភាពញញឹមញញែមបិទមាត់មិនជិត ហាក់បង្ហាញថាថ្ងៃនេះទទួលបានដំណឹងល្អផងដែរ ។ ជាក់ស្តែងជាមួយរូបភាពទឹកមុខស្រស់ស្រាយ ជាមួយនឹងកូនប្រុសកំពុងគេងលង់លក់លើភ្លៅ អ្នកនាង ទូច ស្រីល័ក្ខ បានរៀបរាប់ថា «ការឡើងសាលាដំបូងជាមួយកូនបានបញ្ចប់ហើយ សំខាន់អាណិតកូន គាត់អស់កម្លាំង ម៉ែសុំទោសកូន» ៕