អ្នកគាំទ្រភ្ញាក់ផ្អើលសឹងដាច់ផ្ងារ ពេលឃើញ Mick និង Kem ធ្វើបែបនេះដាក់គ្នា

ពិតជាប្លែកមិនធម្មតាសម្រាប់តារាសម្ដែងប្រុសថៃ Mick បានធ្វើឱ្យអ្នកគាំទ្ររបស់ខ្លួនភ្ញាក់ផ្អើលមិនស្ទើរទេ ក្រោយពីឃើញរូបភាពប៉ុន្មានសន្លឹកចែកចាយគ្នានៅលើបណ្ដាញសង្គមរវាងលោក និង តារាប្រុស Kem Hussawee ឈរថតបីត្រកងគ្នាប្រៀបដូចជាគូស្នេហ៍ស្រឡាញ់ភេទដូចគ្នា ។

កាលពីថ្ងៃទី ១៤ ខែមករា ឆ្នាំ ២០២១ កន្លងទៅនេះ ជាងថតរូបល្បីឈ្មោះម្នាក់ឈ្មោះ ចន បានយករករូបភាពនេះទៅបង្ហោះចូលក្នុងគណនីរបស់ខ្លួន ដោយរូបភាពនេះបានធ្វើឱ្យភ្ញាក់ផ្អើលដល់អ្នកគាំទ្ររបស់ Mick ដែលម្នាក់ៗមិននឹកស្មានថាតារាសម្ដែងប្រុសរូបសង្ហា Mick ទៅថតរូបបែបស្នេហាស្រឡាញ់ភេទដូចគ្នាបែបនេះទៅវិញសោះ  ។

តាមរយៈរូបភាពនេះដែរ គេកត់សម្គាល់ឃើញថាតារាប្រុសទាំង ២ ដួងនេះពិតជាស័ក្តិសមឥតខ្ចោះ វាប្រៀបហាក់ដូចជាទៅនឹងឈុតឆាកស្នេហាក្នុងរឿងភាគ ជាពិសេសក្រសែភ្នែក សម្មភាពដែលអ្នកទាំង ២ សម្ដែងចេញមកប្រៀបដូចជារឿងពិតៗអ៊ីចឹង ។

អ្វីដែលសំខាន់នោះ ក្រោយពីឃើញរូបភាពនេះ អ្នកគាំទ្រជាច្រើនបានបញ្ចេញមតិថា ពិតជាអស្ចារ្យណាស់ឈុតឆាកនេះ ធ្វើឱ្យតារាសម្ដែងប្រុស Mick កម្ពស់ជិត ១៩០ សង់ទីម៉ែត្ រមកក្លាយជាក្មេងប្រុសម្នាក់ដែលមានរាងតូចច្រឡឹងបាន ។ មិនត្រឹមប៉ុណ្ណោះក៏មានអ្នកគាំទ្រខ្លះ ខំមិនលេងសើចសួរនាំសួរថា តើអ្នកណាជាអ្នករៀបចំស្ទីលនេះឡើង ពិតជាស្រស់ស្អាត ហើយស័ក្ដិសមណាស់ បើសិនជាសង្សារ MicK ឃើញច្បាស់ជាច្រណែនស្លាប់ហើយ ៕