ចែកផ្លូវគ្នាតែ រឿន ណាត នៅតែអាចធ្វើបែបនេះចំពោះអតីតគូស្នេហ៍!

ថ្វីដ្បិតបែកបាក់ជាមួយគូស្នេហ៍ក៏ពិតមែន តែមើលទៅអតីតMiss Universe ២០១៨ រឿន ណាត នៅតែស្រស់ស្រាយដដែល។មិនតែប៉ុណ្ណោះ នាងថែមទាំងងាកមកលេងស្ទីលតែងខ្លួនយ៉ាងសិចស៊ី គួរឱ្យក្នាញ់ទៀតផង។

មហាជនជាច្រើនបានដឹងថា កន្លងមក អតីតគូស្នេហ៍របស់ រឿន ណាត ជាតារារូបសង្ហាសាច់ដុំធំមួយរូបគឺលោក ជា ឃាងឈេ។ ដូចនេះ ប្រាកដណាស់ពួកគេអាចជួបគ្នានៅក្នុងកម្មវិធីសិល្បៈនានាជាច្រើន បើទោះបីជាពួកគេបែកគ្នាហើយក៏ដោយ។

ចំពោះបញ្ហានៃការបែកគ្នានេះ រឿន ណាត បានលើកឡើងថា សម្រាប់ការបែកគ្នារបស់នាងជាមួយអតីតគូស្នេហ៍ គឺដោយ​សារ​តែការមិនចុះសម្រុងគ្នា ប៉ុន្ដែពួកគេបានបែកគ្នា ដោយសន្តិវិធី មិនមានអ្វីដែលចោទជាបញ្ហានឹងគ្នា នៅពេលដែលជួបមុខគ្នាឡើយ។ បន្ថែមពីនេះ សម្រាប់នាង ប្រសិនបើផលិតករតម្រូវឱ្យសម្តែងរឿងរួមគ្នានោះ ក៏នាងមិនប្រកែកអ្វីដែរ។

គួរឱ្យដឹងថា រឿន ណាត បានបើកចំហពីចំណងស្នេហ៍របស់ខ្លួនជាមួយតារារូបសង្ហា ជា ឃាងឈេ ទាំងកំពុងមានប្រជាប្រិយភាព និង ទទួលបានការសាទរពីសំណាក់ទស្សនិកជនអ្នកគាំទ្រជាច្រើន តែគួរឱ្យស្តាយទំនាក់ទំនងរបស់ពួកគេបានតែមួយរយៈប៉ុណ្ណោះ ក៏បែកគ្នាទៅវិញ។ បច្ចុប្បន្ន រឿន ណាត ប្រាប់ថាមិនទាន់គិតគូររឿងស្នេហាថ្មីទេ ចង់ទុកពេលវេលាពង្រឹងការងារសិល្បៈដែលកំពុងមមាញឹកសិន៕

រូបថត ៖ ហ្វេសប៊ុក