ពីរោះណាស់! អ្នកធ្លាប់ខូចចិត្ត មកស្ដាប់បទថ្មី Selena ចេញព្រឹកមិញ ធានាត្រូវចិត្ត (វីដេអូ)

បទចម្រៀងជាភាសាអេស្បាញ ដែលមានគម្រោងច្រៀងតាំងពីប្រមាណជា ១០ ឆ្នាំ មុន របស់ Selena បានបង្ហាញជាសមិទ្ធផលហើយ ដោយនៅថ្ងៃទី ១៥ ខែមករា ឆ្នាំ ២០២១ នេះ កំពូលតារាចម្រៀងរូបនេះ បានធ្វើឲ្យមហាជនអ្នកគាំទ្ររំភើបចិត្តយ៉ាងខ្លាំង ក្រោយពីនាងបានបញ្ចេញបទចម្រៀងថ្មីរបស់ខ្លួនជាភាសាអេស្បាញ ដែលមានចំណងជើងថា «De Una Vez»។

បទចម្រៀងថ្មី ដែលបកស្រាយជាភាសាអេស្បាញរបស់តារាស្រីវ័យ ២៨ ឆ្នាំរូបនេះ មិនត្រឹមតែពីរោះប៉ុណ្ណោះនោះទេ ប៉ុន្តែ MV នៃការបង្ហាញ និង សម្តែងក្នុងចម្រៀងខាងលើនេះ បានធ្វើឲ្យមហាជនអ្នកគាំទ្រមើលឃើញភាពខុសប្លែកគ្នារវាង Selena ពេលមុន និង ពេលបច្ចុប្បន្ន ដោយនាងបានជ្រើសយកភាសាមិនមែនជាភាសាដើមកំណើតរបស់នាងមកច្រៀង ។

«អត្ថន័យនៃ «De Una Vez» បានបង្ហាញពីការឈឺចាប់ និង អារម្មណ៍ពីខាងក្នុង ដែលកាន់តែធ្វើឲ្យការបង្កើតបទចំរៀងនេះកាន់តែអស្ចារ្យ ហើយលើសពីនោះ ទោះជាចម្រៀងនេះជាភាសាអេស្បាញក៏ពិតមែន ប៉ុន្តែវាពិតជាមានអត្ថន័យយ៉ាងខ្លាំងសម្រាប់អ្នកដែលធ្លាប់ និង កំពុងខូចចិត្ត»។ នេះបើតាមការឲ្យដឹងពី Selena តាមរយៈទស្សាវដ្ដី VOGUE ។

លើសពីនោះកំពូលតារាចម្រៀងបានបន្ថែមពីអត្ថន័យបង្កប់ក្នុងបទចម្រៀងនេះថា «មនុស្សគ្រប់គ្នា ពិតជាធ្លាប់មានការឈឺចាប់ និង ស្លាកស្នាមនៃបទពិសោធន៍ផ្សេងៗ ដែលយើងធ្លាប់ឆ្លងកាត់ក្នុងជីវិត ប៉ុន្តែវាពិតជាមានវិធីអាចឲ្យយើងព្យាបាលខ្លួនឯងបាន គឺនោះមិនត្រឹមតែជាការបន្សល់ទុកអតីតកាល និង ការអភ័យទោសប៉ុណ្ណោះទេ ប៉ុន្តែអ្វីដែលសំខាន់ជាងនេះទៅទៀតនោះគឺ ភាពរឹងមាំ ការបន្តដំណើរ និង ជាប់ផ្តើមជីវិតថ្មីរបស់ខ្លួន» ៕

ប្រភព៖​ VOGUE