អស់ទាស់! គម្រប់ខួប ២៥ ឆ្នាំ Jennie ទទួលកាដូពិសេសបំផុតមួយនេះ ពីអ្នកគាំទ្រ

មហាជនអ្នកគាំទ្រ ជាពិសេស BLINK ប្រាកដជាចងចាំច្បាស់ជាមិនខាននៅថ្ងៃកំណើតរបស់សមាជិកនីមួយៗរបស់ BLACKPINK ដោយនៅថ្ងៃទី ១៦ ខែមករា ឆ្នាំ ២០២១ នេះ គឺជាថ្ងៃខួបកំណើតគម្រប់ ២៥ ឆ្នាំ របស់ Jenni ។ ជារៀងរាល់ឆ្នាំ នៅក្នុងថ្ងៃកំណើតរបស់ Jennie នាងតែងតែទទួលបានការរៀបចំ និង ការជូនកាដូដល់នាងពីសំណាក់អ្នកគាំទ្រជាច្រើនប្រទេស តាមរយៈការជូនពរ និង ការរៀបចំអបអរតាមពិធីផ្សេងៗគ្នាពី BLINK ទៀតផង ។

យ៉ាងណាមិញ ខួបកំណើតគម្រប់ ២៥ ឆ្នាំ នេះ Jennie ហាក់ទទួលបានកាដូពិសេសពីសំណាក់មហាជនអ្នកគាំទ្រជាច្រើនប្រទេស តាមរយៈការគាំទ្ររបស់មហាជន ។ ក្នុងនោះ នាងត្រូវបានអ្នកគាំទ្រចូលស្តាប់ និង ទស្សនាបទចម្រៀងនៃ Album ចម្រៀងទោលរបស់នាងរហូតដល់ទៅ ៦០០ លានដងក្នុង Youtube បើគិតត្រឹមថ្ងៃទី ១២ ខែមករា ឆ្នាំ ២០២១ ហើយចំនួនទស្សនាដ៏ច្រើននេះបានធ្វើឲ្យ Jennie ក្លាយទៅជាតារាចម្រៀងស្រីកូរ៉េដំបូង ដែលមានអ្នកចូលទៅទស្សនាបទចម្រៀងទោលច្រើនលើសលប់ ។

គួរឲ្យដឹងថា Jennie បានចេញនូវ Album ចម្រៀងទោលរបស់ខ្លួននៅថ្ងៃទី ១២ ខែវិច្ឆិកា ឆ្នាំ ២០១៨ រហូតមកពេលនេះ គឺរយៈពេលជាង ២ ឆ្នាំ Album ទោលរបស់នាង ក៏បានក្លាយទៅជា Album ទោលរបស់តារាស្រីកូរ៉េដំបូងមានអ្នកទស្សនាច្រើនជាងគេ ហើយនេះចាត់ទុកជាកាដូខួបកំណើតដ៏ពិសេសរបស់នាងក្នុងឆ្នាំនេះ៕