យូរៗឃើញ ឌួង ហ្សូរីដា ស្លៀកឈុតកូនក្រមុំ ពិតជាប្លែកមើលមិនចង់ស្គាល់!

អាយុគ្រាន់តែជាតួលេខប៉ុណ្ណោះ បើងាកមកមើលពិធីការិនី ឌួង ហ្សូរីដា នាពេលបច្ចុប្បន្ន កាន់តែមានសម្រស់ស្អាត និងទាក់​ទាញយ៉ាងខ្លាំង។

ក្រោយស្រកទម្ងន់អស់ ១៣ គីឡូ ឌួង ហ្សូរីដា កាន់តែមានភាពជឿជាក់ជាងមុន ដោយនាងងាកមកលេងស្ទីលបែបទាន់សម័យបង្អួតក្បាលពោះរាបស្មើមិនចាញ់យុវវ័យប៉ុន្មានឡើយ។ អ្វីដែលចាប់អារម្មណ៍ថ្មីៗនេះ ឌួង ហ្សូរីដា បានបង្ហាញសម្រស់ក្នុងឈុតកូនក្រមុំបែបបុរាណ ដែលមើលទៅពិតជាប្លែកភ្នែកតែម្តង។

មានការលើកឡើងពីសំណាក់អ្នកគាំទ្រថាធ្លាប់តែឃើញ ឌួង ហ្សូរីដា បង្ហាញសម្រស់ក្នុងឈុតបែបសម័យ ដល់ពេលតុបតែងខ្លួនបែបកូនក្រមុំដូចនេះ ពិតជាសមសួន ស្អាតខ្លាំងមែនទែន។ យ៉ាងណាមិញ ចំពោះការតុបតែងខ្លួន ស្លៀកឈុតកូនក្រមុំបែបនេះរបស់ ឌួង ហ្សូរីដា គឺជាការថតស្ប៉តពាណិជ្ជកម្មឱ្យសម្អាងការមួយនៅក្នុងឆ្នាំថ្មី ២០២១ នេះ។

គួរឱ្យដឹងថា ក្រោយពីមានជំនួញនៅក្នុងដៃជាច្រើន ឌួង ហ្សូរីដា ហាក់មិនសូវស្រវ៉ាស្រទេញ ជាមួយនឹងការងារសិល្បៈដូចមុនប៉ុន្មានឡើយ ប៉ុន្តែតារារូបនេះ នៅតែមិនដាច់ចិត្តបោះបង់ការងារនេះឡើយ នាងតែងបង្ហាញមុខនៅក្នុងនាមជាពិធីការិនីនៅក្នុងកម្មវិធីតាមបណ្តាក្រុមហ៊ុននានា។ ចំពោះរឿងរ៉ាវស្នេហាវិញ បើទោះបីជាមានវ័យកាន់តែច្រើនតែ ឌួង ហ្សូរីដា ហាក់មិនទាន់គិតគូរពីរឿងស្នេហាដូចមិត្តភក្តិ រួមអាជីពឡើយ៕

រូបថត ៖ ហ្វេសប៊ុក