ស្រីៗសុំខ្មាស! តារាប្រុស New Wongsakorn អាយុ ៤០ ហើយ សាច់ឡើងសខ្ចីញេញ

ជឿជាក់ថាទស្សនិកជនដែលនិយមគាំទ្រខ្សែភាពយន្តភាគថៃ ជាពិសេសនារីៗតែម្ដង ប្រាកដជាស្គាល់តួឯកប្រុសដែលសង្ហាៗច្បាស់ដូចថ្ងៃ ហើយពេលខ្លះ ថែមទៀតលួចស្រមើលស្រមៃលង់ស្នេហ៍តួប្រុស ចង់ឱ្យខ្លួនឯងក្លាយជាតួឯកស្រីផងក៏មាន។

និយាយដល់តួឯកប្រុសមានរូបរាងសង្ហាធ្វើឱ្យនារីៗឈ្លក់រង្វេង ក្នុងនោះតារាសម្ដែងប្រុសថៃគឺលោក New Wongsakorn ក៏មានរូបរាងសង្ហាលេចធ្លោធ្វើឱ្យប្រិយមិត្តនារីៗជាប់ចិត្តមិនធម្មតាដែរ ដោយសារតារាសម្ដែងប្រុសរូបនេះ មានរូបរាងខ្ពស់ស្រឡះ សាច់ដុំមាំៗ សាច់ឈាមវិញក៏សខ្ចីម៉ដ្ឋរលោង ឯទម្រង់មុខក៏មានមន្តស្នេហ៍ទៀត ។

គិតមកដល់ពេលនេះ តួឯកប្រុសដ៏ល្បីល្បាញ New មានអាយុ ៤០ ឆ្នាំហើយ ប៉ុន្ដែរូបរាងដ៏សង្ហារបស់គេ នៅតែគេចមិនផុតពីក្រសែភ្នែកនារីៗ ជាពិសេសថ្មីៗនេះ ប្រុសស្អាតខាងលើបានទម្លាយរូបថតដោះអាវសំដិលសាច់ដុំផ្នែកល្វែងលើប៉ុន្មានសន្លឹក បង្ហោះលើគណនី IG បានពង្វក់អារម្មណ៍ស្រីៗមិនឱ្យបែរកែវភ្នែកទៅសម្លឹងកន្លែងផ្សេងទេ ព្រោះតែភាពទាក់ទាញនៃដងខ្លួនរបស់លោក ៕