ខ្លាំងបាត់! មិនដល់ ១ សប្ដាហ៍ បទ «រាងអូន Best» របស់ រាប៊ី មានអ្នកទស្សនាជាង ១ លានដង (វីដេអូ)
ថ្មីៗនេះ តារាចម្រៀងរាងតូចច្រឡឹង រាប៊ី បានបញ្ចេញបទ «រាងអូន Best» ហាក់ទទួលបានការចាប់អារម្មណ៍ខ្លាំងពីសំណាក់ទស្សនិកជន ព្រោះតែទឹកដមសំឡេងស្រួយស្រែសដ៏ពីរោះ ព្រមជាមួយនឹងក្បាច់រាំរស់រវើកបង្ហាញចង្កេះតូចមួយក្ដាប់ ចំណែកកាយវិការតារាស្រីរូបនេះ ក៏ក្រមិចក្រមើមគួរឱ្យស្រឡាញ់ខ្លាំងណាស់ដែរ ។
ទន្ទឹមនឹងការពេញនិយមពីសំណាក់ទស្សនិកជន ធ្វើឱ្យបទចម្រៀងបែបរសជាតិថ្មីរបស់តារាស្រី រាប៊ី ទទួលបានការគាំទ្រជាច្រើន ដោយត្រឹមតែរយៈពេលខ្លីប៉ុណ្ណោះ ពោលគឺមិនដល់ ១ សប្ដាហ៍ស្រួលបួលផងដែលបទចម្រៀងមួយបទនេះ បានបង្ហោះចេញនៅលើបណ្ដាញសង្គមហ្វេសប៊ុក ក៏ទទួលបានការចុចទស្សនាច្រើនរហូតដល់ទៅជាង ១ លានដងឯណោះ ។
នេះពិតជាមិនធម្មតាឡើយសម្រាប់តារាចម្រៀងវ័យក្មេង រាប៊ី ដែលត្រឹមពេលដ៏ខ្លីសោះ អាចឆក់យកបេះដូងអ្នកគាំទ្រឱ្យទស្សនាបទចម្រៀងថ្មីរបស់ខ្លួនដល់ទៅខ្ទង់លានបែបនេះ ។ ចង់បទ «រាងអូន Best» ឡូយកប់យ៉ាងណា តស់ទស្សនាវីដេអូខាងក្រោម ៖