អ្នកគាំទ្រផ្ទុះការសង្ស័យពីទំនាក់ទំនង ថន តារា និង ស្វាមី ក្រោយរស់នៅឆ្ងាយគ្នាយូរ
អតីតតារាសម្ដែង និង ពិធីការិនីដែលមានភាពល្បីល្បាញមួយរូប និង ត្រូវជាបងស្រីបង្កើតរបស់ពិធីការិនី ថន លក្ខិណា នោះគឺអ្នកនាង ថន តារា បានរៀបការជាមួយស្វាមីដែលជាជនជាតិថៃ មានទ្រព្យសម្បត្តិស្ដុកស្ដម្ភកាលពីអំឡុងខែមិថុនា ឆ្នាំ ២០១៦ កន្លងទៅ ហើយក្រោយពីរៀបការរួច អតីតតារាស្រីរូបនេះក៏បានចាកចេញទៅរស់នៅជាមួយស្វាមីនៅឯប្រទេសថៃ ថែមទាំងប្រើជីវិតយ៉ាងស៊ីវីល័យ និង មានក្ដីសុខខ្លាំងណាស់ ។
ទោះបីជា ថន តារា មិនបានប្រឡូកនៅក្នុងវិថីសិល្បៈបន្តទៀតក៏ពិតមែន តែទស្សនិកជនអ្នកគាំទ្រដល់រូបនាង នៅតែតាមដានពីជីវិតឯកជនរបស់នាង រួមទាំងស្វាមីជានិច្ច ដោយជារឿយៗរូបនាងតែងតែបណ្ដើរស្វាមីទៅចូលរួមកម្មវិធីផ្សេងៗ ក៏ដូចជាការដើរកម្សាន្តនានា ព្រមទាំងបានថតរូបអនុស្សាវរីយ៍ដ៏ផ្អែមល្ហែមបន្ថែមលើជីវិតគូឱ្យកាន់តែមានន័យមួយកម្រិតទៀត ។
អ្វីដែលគួរឱ្យចាប់អារម្មណ៍ កាលពីពេលថ្មីៗនេះដែរ មហាជនជាច្រើនមានចម្ងល់ទៅលើអតីតតារាស្រីរូបនេះ ក្រោយពីបានឃើញរូបនាងមកលេងស្រុកខ្មែរអស់រយៈពេលជាយូរមកហើយ និង ថែមទាំងបាននាំគ្នាគ្រួសារដើរលេងកម្សាន្តជាញឹកញាប់ តែក្នុងនោះមហាជនចាប់អារម្មណ៍ថារាល់រូបភាពដែលនាងបង្ហោះនៅលើហ្វេសប៊ុកជាច្រើនពុំឃើញមានស្វាមីរបស់នាងនោះទេ ដែលជាហេតុធ្វើឱ្យមហាជនមានការសង្ស័យពីជីវិតគូស្វាមីភរិយានេះណាស់ ។
យ៉ាងណាមិញ នេះគ្រាន់តែជាការសង្ស័យរបស់ទស្សនិកជនដែលតែងតែស្រឡាញ់ និង គាំទ្រដល់រូបនាងតែងលើកឡើងពីទំនាក់ទំនងនេះប៉ុណ្ណោះ តែរឿងរ៉ាវយ៉ាងណាយើងក៏មិនទាន់ហ៊ានសន្និដ្ឋាននោះទេ ៕