ផាន់ ផាត់ណា សម្ញែងរាងយ៉ាងសិចស៊ី ជាមួយកូនប្រុសសំណព្វ នៅមាត់សមុទ្រ!

បើទោះបីមានកូនតូចជាប់ដៃក៏ពិតមែន តែតារាសម្តែងស្រី ផាន់ ផាត់ណា នៅតែមានរូបសម្រស់និងរូបរាងស្រឡូនស្អាតយ៉ាងទាក់ទាញ ហើយថ្មីៗនេះ នាងបានបង្អួតសម្រស់ក្នុងឈុតប៊ីគីនីយ៉ាងសិចស៊ី ខណៈអះអាង ថារកអ្នកកំដរនិង ដៃគូជីវិតឃើញហើយ។

ស្ថិតក្នុងឈុតប៊ីគីនីពណ៌ផ្កាឈូកយ៉ាងសិចស៊ី ផាន់ ផាត់ណា បានសម្ញែងរាងនៅមុខកាម៉ារ៉ាយ៉ាងជឿជាក់។ តាមរយៈរូបភាពជាច្រើនរបស់តារារូបនេះ បានធ្វើឱ្យអ្នកគាំទ្រលើកឡើងស្ទើរគ្រប់គ្នាថា ពិតជាហំមិនចាញ់អ្នកនៅលីវប៉ុន្មានឡើយ ហើយអ្វីដែលចាប់អារម្មណ៍ជាមួយរូបភាពទាំងនេះ អ្នកម្តាយរូបនះបានអះអាងថា «រកអ្នកកំដរនិងដៃគូជីវិតឃើញហើយ»។

មួយរយៈចុងក្រោយនេះគេសង្កេតឃើញ ផាន់ ផាត់ណា ពិតជាបង្ហាញភាពហ៊ឺហាមិនចាញ់មិត្តរួមអាជីពដទៃឡើយ ដោយស្ងាត់ៗនាងបានបង្ហាញផ្ទះវីឡាយ៉ាងស្រស់ស្អាត ដែលសាងសង់ជិតរួចរាល់ ហើយមួយរយៈមុននាងក៏ទើបនឹងបោះទុនបើកហាងលក់ស្រាក្រឡុកបន្ថែមពីលើការងារសិល្បៈទៀតផង។

គួរឱ្យដឹងថា ផាន់ ផាត់ណា បានចែកផ្លូវជាមួយគូស្នេហ៍ ក្រោយពីនាងសម្រាលកូនមិនបានប៉ុន្មានផង ហើយពេលនេះនាងត្រូវធ្វើខ្លួនជាម្តាយផង និង ជាឪពុកផង សម្រាប់ផ្តល់ភាពកក់ក្តៅដល់កូនប្រុសបណ្តូលចិត្ដដែលមានឈ្មោះថា យូជុន៕

រូបថត ៖ ហ្វេសប៊ុក