ជា វណ្ណារិទ្ធ តារាខ្មែរដំបូងគេ ចេញមុខគាំទ្រអ្នកស្រឡាញ់ភេទដូចគ្នា (វីដេអូ)

ជាទូទៅក្ដីស្រឡាញ់កើតឡើងមិនគិតពីអាយុ ពណ៌​សម្បុរ វណ្ណៈ សាសនា ឬ ភេទនោះទេ  សេចក្ដីស្រឡាញ់គឺវាអាចកើតមានគ្រប់រូបភាពទាំងអស់  ព្រោះមនុស្សម្នាក់ៗមិនអាចមានការគិតដូចៗគ្នានោះទេ សំខាន់ទោះកើតក្នុងរូបភាពណាមួយក៏ដោយសុទ្ធតែល្អ ឱ្យតែយើងចេះផ្ដល់តម្លៃ និង យល់ពីក្ដីស្នេហានោះ​ ។

ទន្ទឹមនឹងនេះ ការស្រឡាញ់ភេទដូចគ្នា វាក៏ជាក្ដីស្រឡាញ់មួយដែលកើតឡើងមានច្រើននាពេលបច្ចុប្បន្ន ដោយភាគច្រើននៃអ្នកស្រឡាញ់ភេទដូចគ្នា តែងត្រូវបានសង្គម និង គ្រួសាររើសអើង មិនផ្ដល់តម្លៃទៅកាន់ពួកគាត់ ដែលជាហេតុធ្វើឱ្យពួកគាត់ត្រូវទទួលរងគ្រោះផ្នែកផ្លូវចិត្ត ។ ដោយសារតែការស្អប់ខ្ពើម មើលងាយពីមជ្ឈដ្ឋានជុំវិញខ្លួននេះហើយ ទើបត្រូវតម្រូវឱ្យអ្នកស្រឡាញ់ភេទដូចគ្នាមួយចំនួនត្រូវរស់នៅលាក់មុខពីសង្គម ។

យ៉ាងណាមិញ បើយើងងាកទៅមើលពិធីករល្បីឈ្មោះម្នាក់ក្នុងចំណោមអ្នកសិល្បៈនៅកម្ពុជា គឺលោក ជា វណ្ណារិទ្ធ ដែលមហាជនតែងស្គាល់ថា ជាពិធីករពូកែវោហាសព្ទ លែងពាក្យសម្ដីមិនចេះរីងស្ងួតរូបនេះ បានចេញវីដេអូសម្ដែងចំណាប់អារម្មណ៍គាំទ្រកុំឱ្យមានការរើសអើងចំពោះអ្នកស្រឡាញ់ភេទដូចគ្នា និង លើកទឹកចិត្តដល់អ្នកស្រឡាញ់ភេទដូចគ្នាមួយតាមរយៈផេកឈ្មោះថា Loveisdiversity ដោយលោកបានចូលរួមក្នុងយុទ្ធនាការអនឡាញ នៃអ្នកស្រឡាញ់ភេទដូចគ្នានៅកម្ពុជា ៕

សូមចុចទស្សនាវីដេអូនៅខាងក្រោម ៖