វីរៈ និច ទម្លាយពីទំនាក់ទំនងពិសេសជាមួយកំពូលតារាចម្រៀង ព្រាប សុវត្ថិ កាលនៅក្មេង

វីរៈ និច ត្រូវបានគេស្គាល់ជាតារាចម្រៀងវ័យក្មេងដែលពោរពេញដោយសមត្ថភាពមួយរូប មិនតែប៉ុណ្ណោះ នាងក៏ឆក់បានបេះដូងទស្សនិកជនយ៉ាងឆាប់រហ័សតាមរយៈរូបសម្រស់ដ៏ស្រស់សោភា រាងរៅខ្ពស់ស្រឡះ សម្បុរស្បែកសស្គុសជាកូនកាត់ចិត្ត ។

កន្លងមក វីរៈ និច បានបើកបង្ហាញពីប្រវត្តិខ្លះៗនៅក្នុងសិល្បៈ ដោយនាងគឺជាក្មួយស្រីបង្កើតរបស់តារាចម្រៀង ខាត់ ជេមស៍ ប៉ុន្ដែប្រិយមិត្តមួយចំនួននៅមិនទាន់ដឹងនៅឡើយទេថា នាងមានទំនាក់ទំនងអ្វីនឹងកំពូលតារាចម្រៀង ព្រាប សុវត្ថិ ។

ថ្វីដ្បិតថា បច្ចុប្បន្នស្រីស្រស់ វីរៈ និច គឺជាតារាចម្រៀងអាជីព មានអ្នកគាំទ្រផ្ទាល់ខ្លួនច្រើនគរទឹកគរដីក៏ពិតមែន ប៉ុន្ដែកាលពីពេលកន្លងមក វីរៈ និច ធ្លាប់បង្ហោះរូបថតកាលពីក្មេងមួយសន្លឹក ដែលនាងបានថតជាមួយនឹងកំពូលតារាចម្រៀង ព្រាប សុវត្ថិ ។

ក្នុងនោះ វីរៈ និច បានបង្ហើបច្បាស់ៗថាលោក ព្រាប សុវត្ថិ គឺជា Idol ក្នុងដួងចិត្តរបស់នាងតាំងពីក្មេងមកម្ល៉េះ ហើយពេលនោះ នាងពិតជារំភើបរីករាយខ្លាំងណាស់ ដែលបានថតរូបជាមួយកំពូលតារាចម្រៀងខាងលើ ៕