អត់ហ៊ានសួរអនាគតកូនប្រសាស្រី តែឪពុក Weir សួរលោកថា ពេលណារៀបការ?

នៅក្នុងកិច្ចសម្ភាសថ្មីនេះ តារាសម្ដែងគ្រាប់ពេជ្រប្រចាំប៉ុស្ដិ៍ទូរទស្សន៍លេខ ៧ Weir Sukollawat បានបង្ហើបថា លោកប៉ារបស់លោកស្រាប់តែសួរនាំពីគម្រោងរៀបការ ព្រោះថាពេលនេះ លោកក៏មានអាយុ ៣៥ ឆ្នាំហើយដែរ គាត់គ្រាន់តែចង់ដឹងថា Weir មានគម្រោងថានឹងរៀបការ ឬក៏នៅប៉ុណ្ណោះ?

យ៉ាងណា សំនួរមួយនេះ Weir មិនពិបាកឆ្លើយជាមួយឪពុកទេ ដោយលោកបានប្រាប់ទៅឪពុកយ៉ាងងាយស្រួយថា លោក និង មិត្តស្រីរៀបការនៅពេលដែលពួកគេទាំងពីរត្រៀមខ្លួនរួចរាល់ ហើយលោកក៏មិនចង់កំណត់ពេលវេលាណាមួយឱ្យជាក់លាក់ដែរ គឺលោកចង់ធ្វើការងារដែលលោកស្រឡាញ់ និង បំពេញការងារក្នុងសិល្បៈឱ្យបានល្អជាមុនសិន ម្យ៉ាងវិញទៀត អនាគតកូនក្រមុំរបស់លោក គឺតារាសម្ដែង Bella Ranee ក៏មានកិច្ចការច្រើនត្រូវធ្វើដូចជាថតកុន ឬថតរឿងភាគជាដើម ។

ក្នុងនោះ តារាប្រុស Weir Sukollawat បានបញ្ជាក់ច្បាស់ៗបន្ថែមទៀតថា ពួកលោកនឹងរៀបការនៅពេលដែលពួកលោកត្រៀមខ្លួនរួចរាល់ប៉ុណ្ណោះ ។ យ៉ាងណាមិញ គេនៅចាំបានថា កាលពី Bella ទៅលេងផ្ទះឪពុក Weir ដល់ខេត្តកាលពីមួយរយៈមុន គាត់មិនបានសួរនាំរឿងរៀបការឡើយ ប៉ុន្ដែគាត់បែរជាអន្ទសាសួរនាំកូនប្រុសផ្ទាល់ទៅវិញ ៕