កូនបីហើយទើបភរិយា Minhwan សមាជិក FTILAND បើកកកាយរឿងរ៉ាវជួបគ្នាដំបូង
រយៈពេល ២ ឆ្នាំហើយដែល Minhwa សមាជិកក្រុមតារាចម្រៀងពេញនិយម FTILAND បានរៀបការជាមួយនឹងនាង Yulhee អតីតសមាជិកក្រុមចម្រៀង LABOUM ហើយបច្ចុប្បន្នតារាចម្រៀងទាំងពីរទទួលបានកូនប្រុសមួយរូប និង កូនភ្លោះស្រី ២ រូប ។ ទោះបីជាមានកូនស្រីប្រុស ៣ រូបហើយក៏ពិតមែន តែមានអ្នកគាំទ្រ និង មិត្តភក្តិតិចណាស់ដែលបាននឹងពីចំណងស្នេហ៍ដំបូងរបស់ពួកគេទាំងពីរនាក់ ។
នៅក្នុងកម្មវិធី «Happy Together» Yulhee បានបង្ហាញវត្តមាននៅក្នុងកម្មវិធីនេះ នឹងបានរៀបរាប់រឿងរ៉ាវជាច្រើនពីការជួបគ្នាដំបូង និង ចាប់ផ្តើមទំនាក់ទំនងគ្នារបស់នាងជាមួយនឹងស្វាមី ដោយនាងបានបញ្ជាក់ថា «តាមពិតទៅនាង និង ស្វាមីបានជួបគ្នាលើកទី ១ តាំងពី ២ ឆ្នាំមុននឹងពួកគេចាប់ផ្តើមនិយាយរកគ្នា ។ ដោយការជួបគ្នាលើកដំបូងគឺនៅក្នុងបន្ទប់រង់ចាំការសម្តែង តែស្វាមីរបស់នាងហាក់បីដូចជាមិនចាប់អារម្មណ៍នឹងនាងសោះ! ពេលដែលចាប់ផ្តើមជួបគ្នាលើកទី ២ ពួកគេក៏ចាប់ផ្តើមមានទំនាក់ទំនងនឹងគ្នា ដោយស្វាមីរបស់នាងជាអ្នកសារភាពមុន» ។
យ៉ាងណាមិញ នៅក្រោយរឿងរ៉ាវដ៏ផ្អែមល្ហែមនេះដែរ Yulhee ក៏បានសារភាពនូវរឿងរ៉ាវមួយដែលគួរឱ្យខ្មាសអៀនពីទំនាក់ទំនងរបស់ខ្លួនដែលមានផ្ទៃពោះមុនរៀបការថា «ពួកគេបានជ្រុលជ្រួសមានកូនជាមួយគ្នា បន្ទាប់ពីបែកធ្លាយទំនាក់ទំនងស្នេហ៍របស់នាងជាសាធារណៈ តែពេលនោះដែរនាងមិនទាន់សម្រេចចិត្តនឹងប្រាប់ម្តាយនោះទេ ទោះជា Minhwa ព្រមទទួលខុសត្រូវធ្វើជាស្វាមី និង ឪពុកក៏ដោយ ។ ពេលពោះរបស់នាងកាន់តែខ្ទាតទៅៗ ហើយនាងត្រូវឡើងសម្តែងនៅលើឆាកផង នាងក៏សម្រេចចិត្តប្រាប់ម្តាយរបស់នាង ហើយចុងក្រោយពួកគេក៏សម្រេចចិត្តធ្វើតាមបេះដូងរបស់ខ្លួននឹងរៀបការជាមួយគ្នា» ៕
