ល្អមើលទៀតហើយ! គំនូរជីវចលរឿង «Pinocchio» នឹងជ្រើសរើស Tom Hanks សម្តែងជាតួឪពុក

ខ្សែភាពយន្តគំនូរជីចលផលិតតាំងពីឆ្នាំ ១៩៤០ រឿង «Pinocchio» នឹងត្រៀមផលិតឡើងវិញសាជាថ្មីជាខ្សែភាពយន្តក្នុងពេលឆាប់ៗខាងមុខនេះហើយ ដែលតាមប្រភព Deadline បានឱ្យដឹងថា ក្រុមហ៊ុន Disney បានជ្រើសរើសតារាសម្តែងហូលីវូដ Tom Hanks មកសម្តែងជាតួអង្គឪពុករបស់ Pinocchio ដែលមានឈ្មោះថា Geppetto ។

ទោះមិនទាន់ប្រកាសជាផ្លូវការថា Tom Hanks នឹងត្រូវដើរតួអង្គ Geppetto និង ផ្តើមផលិតពេលណានោះក៏ដោយ តែបើងាកមកម្ចាស់ពាន Oscar វ័យ ៦៤ ឆ្នាំ Tom Hanks វិញបានឱ្យដឹងថា «លោកចង់សម្តែងរឿងនេះ បន្ទាប់ពីបានមើលអត្ថបទភាពយន្តរួចហើយនោះ» ។

គួររំឭកថា រឿង «Pinocchio» បានសរសេរជាប្រឡោមលោកនៅក្នុងឆ្នាំ ១៨៨៣ រហូតមកដល់ឆ្នាំ ១៩៤០ ក៏ចាប់ផ្តើមផលិតជារឿងគំនូរជីវចល ហើយក្នុងពេលខាងមុខនេះលោកអ្នកនឹងបានទស្សនាជាប្រភេទភាពយន្តដែលសម្តែងដោយតារាល្បីៗជាច្រើនរូប ហើយក្នុងនោះអ្វីដែលចាប់អារម្មណ៍បំផុតតួអង្គ Geppetto សម្តែងដោយ Tom Hanks ពិតជាមានមុខស្រដៀងគ្នាដូចគំនូរជីវចលខ្លាំងណាស់ ទាំងពុកចង្កា និង ការពាក់វ៉ែនតារបស់លោក ៕