តារាស្រីថៃ ៤ ដួង មានអ្នកចុចតាមដាន IG ម្នាក់ៗក្ដោបបានមិនក្រោម ១០ លាននាក់

នៅក្នុងវិស័យសិល្បៈ មិនសំខាន់ថាអ្នកមកមុនអ្នកបណ្ដើមយកប្រជាប្រិយភាពច្រើនលើសអ្នកមកក្រោយនោះទេ ហើយអ្នកសិល្បៈស្រករក្រោយក៏មិនប្រាកដថា នឹងអាចក្ដោបបានការគាំទ្រវ៉ាដាច់អ្នកជើងចាស់ដែរ នោះអាស្រ័យទៅលើសមត្ថភាព ទេពកោសល្យ និង ភាពប៉ិនប្រសប់រៀងៗខ្លួន ។

និយាយដល់ការក្ដោបបានប្រជាប្រិយភាព នៅក្នុងសង្គមសិល្បៈថៃគេនិយមប្រើប្រាស់បណ្ដាញសង្គម IG ខ្លាំងណាស់ ហើយបើងាកទៅមើលកំពូលតារាល្បីៗ ក៏មានអ្នកចុចតាមដានសកម្មភាពតាមរយៈបណ្ដាញសង្គមមួយនេះដល់ទៅរាប់លានអ្នកដែរ ។ តួយ៉ាងកំពូលតារាស្រីថៃ ៤ ដួងនេះ មានអ្នកចុច Follow ច្រើនខ្លាំងប្រកៀកប្រកិតគ្នា ដែលម្នាក់ៗទទួលបានអ្នកចុចតាមដានមិនក្រោម ១០ លាននាក់ទេ ហើយចំនួននេះនឹងកើនឡើងបន្តបន្ទាប់ទៀតទៅតាមប្រជាប្រិយភាពរបស់ពួកគេម្នាក់ៗ ។

១- Aum Patchrapa មានអ្នកចុចតាមដានលើ IG ចំនួន ១២ លាននាក់

២- Mai Davika មានអ្នកចុចតាមដានលើ IG ចំនួន ១១.៥ លាននាក់

៣- Chompoo Araya មានអ្នកចុចតាមដានលើ IG ចំនួន ១០ លាននាក់

៤- Yaya ទើបតែទទួលបានអ្នកចុចតាមដានលើ IG ចំនួន ១០ លាននាក់ថ្មីៗនេះ ៕