
វ័យ ៤០ ឆ្នាំ តារាថៃ Nune Woranuch នៅតែស្អាត បង្អួតសម្រស់យ៉ាងជឿជាក់នៅសួនផ្កា
កំពូលតារាថៃ Nune Woranuch ត្រូវបានគេស្គាល់ជាតារាសម្ដែងដ៏លេចធ្លោធ្លាប់ទទួលបានប្រជាប្រិយភាពខ្លាំងពីសំណាក់ទស្សនិកជន ហើយបើទោះបីជាបច្ចុប្បន្ន មានសិល្បការិនីក្មេងៗពន្លកក្រោយជាច្រើនបានរីកដុះដាលនៅក្នុងវិស័យមួយនេះ ប៉ុន្ដែនាងនៅតែអាចក្ដោបបានតំណែងតួឯកដដែល ព្រោះតែភាពប៉ិនប្រសប់ក្នុងការសម្ដែង បូករួមនឹងរូបសម្រស់ស្អាតពីធម្មជាតិ ។
ឆ្នាំថ្មីនេះ តារាស្រី Nune Woranuch មានអាយុ ៤០ ឆ្នាំហើយ តែគួរឱ្យកោតសរសើរនាងពូកែថែសម្ផស្សណាស់ សាច់នៅតែចាំ មុខមាត់ក៏នៅក្មេងផូរផង់ រីឯរាងវិញក៏ស្រឡូនស្អាតភ្លឹងដដែល ។ ជាក់ស្ដែងថ្មីៗនេះ តារាស្រីខាងលើបានបង្ហោះរូបថតនៅសួនផ្កាមួយកន្លែង ដោយឆ្លៀតរំលេចនូវភាពសិចស៊ីបន្តិចផង ធ្វើឱ្យមានភាពទាក់ទាញអស់ទាស់ ។
ទស្សនិកជនដែលធ្លាប់គាំទ្រតារាស្រី Nune នាំគ្នាលើកឡើងក្នុងន័យសរសើរពីរូបភាពស្រស់ស្អាតរបស់នាង បើទោះជាវ័យជ្រេក៏នៅតែបង្ហាញខ្លួនយ៉ាងជឿជាក់បំផុត ៕