ធម្មជាតិពិតជាអស្ចារ្យណាស់ ពេលខ្លះ សឹងតែមិនគួរឲ្យជឿថា រុក្ខជាតិ និងភាវៈប្លែកៗ កម្រជួបប្រទះជាច្រើន បានរស់រានមានជីវិតលើភពផែនដីយើងនេះ ។ ខាងក្រោមនេះ ជាបណ្ដាពពួកសត្វចម្លែកៗមួយចំនួន ដែលគ្រប់គ្នាមិនធ្លាប់បានឃើញពីមុនមក ៖
១. ទន្សាយ lli Pika
ប្រភេទសត្វកម្រ និងគួរឲ្យស្រឡាញ់មួយនេះ ត្រូវបានគេហៅថា “ទន្សាយវេទមន្ត” ។ lli Pika ថ្មីៗនេះ ត្រូវបានថតបានជាលើកដំបូង ក្នុងពេល ២០ ឆ្នាំមកនេះ ។ វាត្រូវបានប្រទះឃើញនៅភ្នំ Tian Shan នៃប្រទេសចិន ។
២. កង្កែប Pinocchio
សត្វប្រភេទនេះ ក៏ត្រូវបានហៅថា “Spike-Nosed Tree Frog” ផងដែរ ។ នៅពេលណាកង្កែបឈ្មោល ព្យាយាមទាក់ទាញកង្កែបញី ឬដឹងថាមានសត្រូវមកយាយី វាចាប់ពន្លូតច្រមុះរបស់វាមកមុខ ដូចជាតួអង្គ Pinicchio ដូច្នោះដែរ ។
៣. ស្វាច្រមុះកំពិត
ពូជស្វាដ៏កម្រលើពិភពលោកមួយនេះ ត្រូវបានរកឃើញក្នុងឆ្នាំ ២០១០ ក្នុងភាគខាងជើងនៃប្រទេសមីយ៉ាន់ម៉ា ។ ដោយសារតែច្រមុះរបស់វា មានលក្ខណៈខុសពីច្រមុះស្វាដទៃ សត្វស្វាប្រភេទនេះ តែងតែកណ្ដាស់ នៅពេលដែលមានមេឃភ្លៀង ។
៤. ត្រី Pink Handfish
ក្នុងពេលប៉ុន្មានឆ្នាំមុន អ្នកវិទ្យាសាស្ត្របានរកឃើញត្រីប្រភេទថ្មីចំនួន ១៤ ដែលមានព្រុយដូចជាដៃ ហើយបច្ចុប្បន្ននេះ ៩ ប្រភេទក្នុងចំណោមត្រីប្រភេទថ្មីទាំង ១៤ នោះ កំពុងប្រឈមនឹងការផុតពូជ ។
៥. ប្រចៀវស Honduran
ប្រចៀវសតូចៗគួរឲ្យស្រឡាញ់ទាំងនេះ គឺរកឃើញនៅអាមេរិកកណ្ដាល ដែលពួកគេរស់នៅផ្ដុំគ្នាក្នុងស្លឹក Heliconia ។ ប្រចៀវប្រភេទនេះ ស៊ីផ្លែឈើជាចំណី និងអាចលូតលាស់ធំធាត់បំផុតក្នុងទំហំ ៤.៧ សង់ទីម៉ែត្រ ។
៦. ត្រីកញ្ចក់
ត្រីកញ្ចក់ (Salp) គឺជាប្រភេទត្រីប្លង់តុង ដែលស្រូបយកឧស្ម័នកាបូនិច មកបំពេញក្នុងខ្លួនដ៏ថ្លារបស់វា ដើម្បីចិញ្ចឹមជីវិត ។ ត្រីប្រភេទនេះ ផ្ដល់ផលប្រយោជន៍ដល់មនុស្សយើងច្រើន ដោយសារតែវា អាចជួយកាត់បន្ថយកម្រិតជាតិកាបូនក្នុងទឹក និងក្នុងបរិយាកាសផងដែរ ។
៧. កន្ដូបភ្នែកផ្កាឈូក
សត្វកន្តូបដែលមានភ្នែកពណ៌ផ្កាឈូកនេះ រស់នៅក្នុងតំបន់ភ្នំ Muller Range នៃតំបន់ប៉ាស៊ីហ្វិក ។
៨. កន្ធាយភឿកស្នូកទន់
សត្វកន្ធាយប្រភេទតូចៗទាំងនេះ ប្រើប្រាស់កដ៏វែងរបស់វា រន្ធច្រមុះវែងធំ ដើម្បីដកដង្ហើមក្រោមទឹក ។
៩. ប្រចៀវច្រមុះបំពង់
សត្វប្រចៀវគួរឲ្យស្រឡាញ់ប្រភេទនេះ ត្រូវបានរកឃើញក្នុងឆ្នាំ ២០០៩ ក្នុងព្រៃនៃ Papua New Guinea ។ វាត្រូវបានអ្នកលេងបណ្ដាញសង្គមចាប់អារម្មណ៍ខ្លាំង និងហៅក្រៅថា “ប្រចៀវ Yoda” ដោយសារតែវាមានមុខមាត់ដូច Jedi Master ក្នុងរឿង “Star Wars” ។
១០. ត្រីដូហ្វីនពណ៌ផ្កាឈូកនៃទន្លេអាម៉ាហ្សូន
សត្វត្រីដូហ្វីននៃទន្លេអាម៉ាហ្សូន ដែលស្គាល់ថា ជាត្រីដូហ្វីនពណ៌ផ្កាឈូក ជាប្រភេទត្រីកម្រក្នុងតំបន់ព្រៃអាម៉ាហ្សូន ។ ត្រីដូហ្វីនប្រភេទនេះ គឺមិនរួសរាយ ឬងាយស្រួលបង្ហាត់ដូចដូហ្វីនធម្មតាឡើយ ៕
ប្រភព៖ Brightside
អត្ថបទដោយ៖ Trassi
អត្ថបទពេញនិយម
