គិតមកដល់ពេលនេះ រយៈពេលជិត ២ ឆ្នាំហើយ ដែលតារាចម្រៀងប្រុសស្រី ទេព បូព្រឹក្ស និង លោក ជី ដេវីត ទទួលបានកូនប្រុសដំបូងដ៏គួរឱ្យស្រឡាញ់ឈ្មោះ ទេព បញ្ចវរាប ហៅ Albert ជាចំណងដៃនៃស្នេហារបស់អ្នកទាំងពីរកាន់តែផ្អែមល្ហែម និង មានក្ដីសុខខ្លាំង។
និយាយពីកូនប្រុសបណ្ដូលចិត្តរបស់តារាចម្រៀងប្រុសស្រីមួយគូនេះ ខណៈមានអាយុជិត ២ ខួប Albert កាន់តែធំមានមុខមាត់កាន់តែគួរឱ្យស្រឡាញ់ និង ធំធាត់ឡើងប្រកបដោយភាពឆ្លាតវៃជាមួយរូបរាងដ៏ស្រស់សង្ហា ដែលទទួលបានការស្រឡាញ់មើលថែយ៉ាងកក់ក្ដៅពីប៉ាម៉ាក់។
លើសពីនេះ តាមរយៈការបង្ហោះរូបភាព ក៏ដូចជាវីដេអូផ្សេងៗដែលអ្នកនាង ទេព បូព្រឹក្ស និង លោក ជី ដេវីត បង្ហាញពីសកម្មភាពកូនប្រុសលើបណ្ដាញសង្គម ឃើញថា Albert ក៏កំពុងឆក់បានការចាប់អារម្មណ៍ និង សរសើរខ្លាំងពីមហាជនចំពោះភាពវៃឆ្លាតគួរឱ្យស្រឡាញ់របស់រូបគេ។
ដោយឡែក ថ្មីៗនេះ អ្វីដែលធ្វើឱ្យមហាជនកំពុងចាប់អារម្មណ៍ចំពោះគ្រួសារតូចនេះទៀត ក្រោយពីបានឃើញវីដេអូកិច្ចសម្ភាសរបស់អ្នកនាង ទេព បូព្រឹក្ស ក្នុងកម្មវិធី «3 FUN» និយាយពាក់ព័ន្ធនឹងកូនប្រុស ដែលក្នុងនោះអ្នកនាងបានទម្លាយរឿងធ្លាប់យំអន់ចិត្តនឹងកូនប្រុស មិនសូវស្រឡាញ់តាមនាងដូចលោកប៉ា ជី ដេវីត ដែល Albert ស្រឡាញ់តែប៉ាហៅតែប៉ា មិនដែលហៅម៉ាក់ រហូតធ្វើឱ្យនាងភ័យខ្លាចកូនប្រុសមិនស្រឡាញ់ទៀតផង៕
សូមចុចទីនេះដើម្បីទស្សនាវីដេអូ៖
