បង្ហាញចំណងស្នេហ៍ហើយ អ៊ីវ៉ា ផ្ដាច់អាជីពសិល្បៈ ស្ទុះមកសម្រុកជំនួញអនឡាញ ឡាយលក់កក្រើកហ្វេសប៊ុក

និយាយពីតារាចម្រៀងស្រី អ៊ីវ៉ា ប៉ុន្មានឆ្នាំចុងក្រោយនេះ ក្រៅពីជីវិតលើវិស័យសិល្បៈ នាងក៏ត្រូវបានមហាជនអ្នកគាំទ្រចាប់អារម្មណ៍ខ្លាំងលើជីវិតឯកជន ជាពិសេសរឿងរ៉ាវស្នេហារបស់នាង ក្រោយពីបានបង្ហាញចំណងស្នេហាដ៏ផ្អែមល្ហែមជាមួយបុរសរូបសង្ហាក្រៅសិល្បៈម្នាក់។

ងាកទៅជីវិតសិល្បៈវិញ បច្ចុប្បន្នតារាចម្រៀងស្រីប្រចាំផលិតកម្មសាន់ដេដ៏មានប្រជាប្រិយភាពរូបនេះ ហាក់ស្ងប់ស្ងាត់មិនសូវឃើញបង្ហាញស្នាដៃចម្រៀងថ្មីៗច្រើនឡើយ រីឯឆាកប្រគុំតន្រ្តីតាមស្ថានីយទូរទស្សន៍ផ្សេងៗវិញ យូរៗបានឃើញនាងបង្ហាញវត្តមានម្ដង ដោយភាគច្រើនត្រូវបានគេអញ្ជើញចូលរួមតាមបណ្ដា Pub និង Club ផ្សេងៗ។

យ៉ាងណាមិញ ស្របពេលសង្កេតឃើញថាតារាចម្រៀងស្រីរូបនេះ រយាលពីការងារសិល្បៈនេះដែរ ត្រូវបានគេដឹងថានាងបានសំងំបើកមុខរបររកស៊ីផ្ទាល់ខ្លួនជាបន្តបន្ទាប់ មានទាំងហាងអាហារ និង ហាងសម្លៀកបំពាក់នៅឯស្រុកកំណើតខេត្តកំពង់ស្ពឺ ព្រមទាំងបើកលក់អនឡាញផងដែរ។

ជាក់ស្ដែង មួយរយៈក្រោយនេះ បើចាប់អារម្មណ៍លើហ្វេសប៊ុកផេកផ្លូវការរបស់តារាចម្រៀងរូបនេះ ឃើញថានាងកាន់តែពង្រីកអាជីពអនឡាញរបស់នាងកាន់តែពេញទំហឹង ឡាយលក់ផលិតផលផ្សេងៗជាប្រចាំថ្ងៃ មានទាំងសម្លៀកបំពាក់ ស្បែកជើង និង គ្រឿងសម្ភារៈសំអាងផ្សេងៗជាច្រើនមុខ៕