នៅរសៀលថ្ងៃទី ០២ ខែធ្នូ ឆ្នាំ ២០២៥ នេះ ស្នងការដ្ឋាននគរបាលរាជធានីភ្នំពេញ បានជូនដំណឹងឱ្យបានដឹងថា នៅវេលាម៉ោង ១១:២០ នាទី ថ្ងៃទី ០២ ខែធ្នូ ឆ្នាំ ២០២៥ នេះ មានករណីអគ្គិភ័យឆេះមួយកន្លែង នៅចំណុចភោជនីយដ្ឋានឡោងទីហ្វាង ស្ថិតនៅដីឡូលេខ ១១៣ ផ្លូវ មហាវិថីម៉ៅសេទង់ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានបានឱ្យដឹងថា ហេតុការណ៍អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ ដែលបណ្ដាលឱ្យឆេះខូចខាតម៉ាស៊ីនបឺតផ្សែងចំនួន ០១ និង ចង្រ្កានចំអិនម្ហូប ចំនួន ០១។
ដោយឡែក នៅវេលាម៉ោង ១១:៥០ នាទី ថ្ងៃខែឆាំ្នដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ៥ គ្រឿង ប្រើប្រាស់ទឹកអស់ចំនួន ៤ ឡាន ស្មើនឹង ១៦ ម៉ែត្រគូប និង រថយន្តជំនួយរថយន្តអគ្គិភ័យទីក្រុងកោះពេជ្រ ចំនួន ០៣ គ្រឿង មិនបានប្រើប្រាស់ទឹក, រថយន្តអគ្គិភ័យក្រសួងមហាផៃ្ទ ចំនួន ០១ គ្រឿង មិនបានប្រើប្រាស់ទឹក៕
ប្រភព ៖ ស្នងការដ្ឋាននគរបាលរាជធានីភ្នំពេញ
