កូ​កា កូ​ឡា លើកកម្ពស់​វប្បធម៌​ខ្មែរ តាមរយៈ​ស្នាដៃ​សិល្បៈ​លើ​កំប៉ុង កូ​កា កូ​ឡា​ – Popular Magazine
Connect with us

អត្ថបទក្រុមហ៊ុន

កូ​កា កូ​ឡា លើកកម្ពស់​វប្បធម៌​ខ្មែរ តាមរយៈ​ស្នាដៃ​សិល្បៈ​លើ​កំប៉ុង កូ​កា កូ​ឡា​

on

Advertisement

​រាជធានី​ភ្នំពេញ ៖ ខណៈដែល​ពិធីបុណ្យ​ចូលឆ្នាំថ្មី​ប្រពៃណីជាតិ​ខែ្មរ​កាន់តែ​កៀក​កិត​ជិត​ឈានចូល​មកដល់ ក្រុមហ៊ុន កូ​កា​-​កូ​ឡា កាលពីពេល​ថ្មីៗ​នេះ បាន​បញ្ចេញ​ការ​រចនា​កំប៉ុង​ថ្មី​សម្រាប់​ទុក​ជូន​ជា​កាដូ​ដ៏​មានតម្លៃ និង មាន​អត្ថន័យ​ដល់​អតិថិជន​ក្នុងការ​ចែករំលែកពេលវេលា​ល្អៗ ភាពសប្បាយ​រីករាយ​សេចក្តីសុខ​ចម្រុងចម្រើន និង សុភមង្គល​ក្នុងឱកាស​ដ៏​វិសេសវិសាល​នេះ ។​

​ការ​រចនា​ស្នាដៃ​សិល្បៈ​លើ​កំប៉ុង​ថ្មី​ទាំងអស់​មាន ៣ ម៉ូដ ដោយ​ការ​រចនា​នីមួយៗ​បង្ហាញ​ពី​និមិត្តសញ្ញា​រចនាបថ (​ស្ទីល​) និង អត្ថន័យ ៣ ផ្សេងៗ​គ្នា ដែល​បាន​រចនា​ឡើង​យ៉ាង​សម្រិតសម្រាំង ផ្ចិតផ្ចង់ និង យកចិត្តទុកដាក់​ជាទីបំផុត​ពី​សិល្បករ​ខ្មែរ ៤ រូប ។ ស្នាដៃ​សិល្បៈ ទាំងនោះ​រួមមាន ៖ បេះដូង គោម​ផ្កាយ និង ផ្កាម្លិះ ។​

​លោកស្រី គង់ កុសល នាយក​ប្រចាំ​ប្រទេស​ផ្នែក​ពាណិជ្ជកម្ម​នៃ​ក្រុមហ៊ុន​ភេសជ្ជៈ កូ​កា​-​កូ​ឡា កម្ពុជា​បាន​មានប្រសាសន៍ថា ជា​រៀងរាល់ឆ្នាំ ក្នុងឱកាស​ចូលឆ្នាំថ្មី​ប្រពៃណី​ជាតិខ្មែរ កូ​កា​-​កូ​ឡា តែងតែបាន​យកចិត្តទុកដាក់ និង តែងតែ​ចូលរួម​អបអរ​ឆ្នាំ​ថ្មី​ជាមួយនឹង​បងប្អូន​ប្រជាពលរដ្ឋ​កម្ពុជា​ទូទាំងប្រទេស ។

​ដើម្បី​បានដឹង​កាន់តែច្បាស់​អំពី​គោលបំណង​នៃ​ការ​រចនា​ស្នាដៃ​សិល្បៈ និង អត្ថន័យ​របស់​រូប​នីមួយៗ​នៅលើ​កំប៉ុង​របស់​កូ​កា​-​កូ​ឡា សូម​អាន​កិច្ចសម្ភាសន៍​រវាង​អ្នកសារព័ត៌មាន​ជាមួយនឹង​លោកស្រី គង់​កុសល នាយក​ប្រចាំ​ប្រទេស​ផ្នែក​ពាណិជ្ជកម្ម​នៃ​ក្រុមហ៊ុន​ភេសជ្ជៈ កូ​កា​-​កូ​ឡា កម្ពុជា ដែលមាន​ខ្លឹមសារ​ដូចខាងក្រោម​៖

​សំណួរ ៖ តើ​លោកស្រី​អាច​ប្រាប់​យើង​អំពី​ប្រវត្តិ និង បេសកកម្ម​របស់ កូ​កា កូ​ឡា កម្ពុជា បានទេ ?

  • ក្រុមហ៊ុន​ភេសជ្ជៈ​កម្ពុជា (CBC) ជា​ក្រុមហ៊ុន​បុត្រ​សម្ព័ន្ធ​ដែល​ទទួល​ទុនវិនិយោគ ១០០% ពីក្រុមហ៊ុន​វិនិយោគ កូ​កា​-​កូ​ឡា Bottling Investments Group (BIG) ដែលជា​ក្រុមហ៊ុន​បុត្រ​សម្ព័ន្ធ ១00% របស់ក្រុមហ៊ុន កូ​កា​-​កូ​ឡា ។ CBC បានចាប់ផ្តើម​ប្រតិបត្តិការ​ផ្នែក​ពាណិជ្ជកម្ម​ជា​លើកដំបូង​នៅ​កម្ពុជា ក្នុង​ឆ្នាំ ១៩៩៣ ហើយ​បច្ចុប្បន្ន​មាន​បុគ្គលិក​ក្នុងស្រុក​សរុប​ជាង ៨០០ នាក់ ។​
  • ​គោលដៅ​របស់​យើង​គឺ​ឆ្ពោះទៅមុខ​ជាមួយនឹង​ចក្ខុវិស័យ​នៃ​ការ​ក្លាយជា​ក្រុមហ៊ុន​ភេសជ្ជៈ​នាំមុខគេ​គ្រប់​ភេសជ្ជៈ​គ្មាន​ជាតិ​ស្រវឹង (Total Beverage Company) ។ ភស្តុតាង​មួយ​ក្នុងចំណោម​ភស្តុតាង​ដែល​លេចធ្លោ​បំផុត គឺ​យើង​កំពុង​ណែនាំ​នូវផលិតផល​ថ្មី​ជាច្រើន​ដើម្បី​ផ្តល់ជូន​អតិថិជន​នូវ​ជម្រើស​ជាច្រើន​បន្ថែមទៀត​។​
  • យើង​ជំរុញ​កិច្ចខិតខំ​ប្រឹងប្រែង​ដើម្បី​ភាព​រីកចម្រើន និង ការឆ្លើយ​ត​បន្ថែមទៀត​ទៅនឹងតម្រូវការ​របស់​អតិថិជន និង អ្នកប្រើប្រាស់​ក្នុងស្រុក​ដោយ​ផ្តល់ជូន​នូវ​ផលិតផល​ជា ច្រើន​ជម្រើសដែល​ប្រកបដោយ​ភាព​ច្នៃប្រឌិត រសជាតិ​ឆ្ងាញ់ និង គុណភាព​ខ្ពស់ ។​
  • ​ក្រុមហ៊ុន កូ​កា កូ​ឡា កម្ពុជា ប្តេជ្ញា​កសាង​សហគមន៍​ប្រកបដោយ​និរន្តរភាព និង ផ្តោត​សំខាន់​លើ​កិច្ចខិតខំ​ប្រឹងប្រែង​រប​ស់​ខ្លួន​លើ​គំនិត​ផ្តួចផ្តើម​ក្នុងការ​កាត់បន្ថយ​ការបញ្ចេញ​ឧស្ម័ន​កាបូន និង ផលប៉ះពាល់​ដល់​បរិស្ថាន បង្កើត​បរិយាកាស​ការ​ងារ​ប្រកបដោយ​សុវត្ថិភាព​សម្រាប់​បុគ្គលិក និង លើកកម្ពស់​ការអភិវឌ្ឍ​សេដ្ឋកិច្ច​របស់​សហ​គមន៍​។​

សំណួរ ៖ ហេតុអ្វី​បានជា កូ​កា កូ​ឡា ជួយ​គាំទ្រ និង លើកកម្ពស់​វប្បធម៌​ខ្មែរ ?

  • ប្រជាជន​កម្ពុជា​យើង​ស្រឡាញ់​វប្បធម៌​ខ្លាំងណាស់ ។ ដូនតា​ខ្មែរ​យើង​បាន​បន្សល់ទុកនូវ​កេរដំណែល​វប្បធម៌ ទំនៀមទម្លាប់ និង ប្រពៃណី​ដ៏​ច្រើន​សម្រាប់​ក្មេងជំនាន់ក្រោយតាំងតែ​ពី​ដើម​រៀងមក ។​
  • ​ក្នុងនាម​ជា​ពាណិជ្ជសញ្ញា​សកល​ជាមួយនឹង​ជំហរ​ក្នុងស្រុក កូ​កា កូ​ឡា តែងតែ​ខិតខំ​ចូលរួម​លើកកម្ពស់ និង ថែរក្សា​វប្បធម៌​ចែក រំលែក​ក្តី​ស្រឡាញ់ និង សុភមង្គល​ជាមួយ​សហគមន៍​ដែល​កូ​កា កូ​ឡា កំពុង​ធ្វើ​ប្រតិបត្តិការ ។​

​សំណួរ ៖ តើ​លោកស្រី​យល់​យ៉ាងណា​ចំពោះ​វប្បធម៌​ខ្មែរ​នាពេល​បច្ចុប្បន្ន ? តើ​វា​បាន​ផ្លាស់ប្តូរ​ច្រើនដែរឬទេ ?

  • ​វប្បធម៌​ខ្មែរ ពិត​ជាមាន​សារសំខាន់​ខ្លាំងណាស់​ចំពោះ​ប្រជាជន​កម្ពុជា​យើង​តាំងពី​អតីតកាលនាពេល​បច្ចុប្បន្ន និង ទៅ​អនាគត ។
  • ប្រជាជន​កម្ពុជា​យើងតែងតែ​រក្សាបាន​នូវ​វប្បធម៌ ទំនៀមទម្លាប់ប្រពៃណី​យ៉ាង​ល្អ​ផូរផង់ ហើយ​ប្រកាន់ខ្ជាប់​ជានិច្ច​នៅក្នុង​ជីវភាព​ប្រចាំថ្ងៃ​របស់​ពួកគេ ។​
  • ​ប្រជាជន​ខ្មែរ​យើង មាន​វប្បធម៌​នៃ​ការចែករំលែក ការចេះ​ជួយ​យកអាសា​គ្នា និង ជូនពរ​គ្នា​ទៅវិញទៅមក​តាំងពី​សម័យមុន​មក​ម្លេះ ហើយ​លក្ខណៈពិសេស​ដែល​រក​អ្វីមក​ប្រៀបផ្ទឹម​គ្មាន​ទាំងនោះ​នៅតែ​បន្តធ្វើ​ពី​សម័យកាល​មួយ​ទៅ​សម័យកាល​មួយ និង បន្ត​រហូតដល់​សព្វថ្ងៃ​នេះ ។​
  • ​ជាមួយនឹង​កេរដំណែល​ដ៏​យូរលង់​នៃ​ប្រជាជន​ខ្មែរ កូ​កា​-​កូ​ឡា បាន​បង្កើត​គំនិត​ផ្តួចផ្តើម​ដើម្បី​លើកកម្ពស់ ថែរក្សា​វប្បធម៌​ដ៏​សម្បូរបែប និង ភ្ជាប់​ទំនាក់ទំនង​ជាមួយ​ប្រជាជនខ្មែរ​យើង​តាមរយៈ​ស្នាដៃ​សិល្បៈ​ខ្មែរ ដោយមាន​ជំនឿ​យ៉ាង​មុតមាំ​ចំពោះ​ទេព​កោសល្យ​របស់​សិល្បករ​ខ្មែរ​ដែល​ពោរពេញ​ដោយ​សមត្ថភាព និង ភាព​ច្នៃប្រឌិត ។​

សំណួរ ៖ ហេតុអ្វី​បានជា កូ​កា កូ​ឡា សម្រេចចិត្ត​ជ្រើស​យក​សិល្បករ​ខ្មែរ​ដើម្បី​រចនា​ស្នាដៃ​សិល្បៈ​ទាំងនេះ ហើយ​ថា​តើ​ជ្រើសរើស​យ៉ាងដូចម្តេច ?

  • សិល្បៈ​ខ្មែរ​តំណាង​ឲ្យ​វប្បធម៌ និង ប្រពៃណី​ខ្មែរ ។​
  • កូ​កា កូ​ឡា មាន​ជំនឿ​ជាក់​យ៉ាង​មុតមាំ​លើ​សមត្ថភាព និង ភាព​ច្នៃប្រឌិត​របស់​ប្រជាជនវ័យក្មេង​របស់​កម្ពុជា​យើង ថា​ពួកគេ ពូកែ និង មាន​ទេពកោសល្យ ។​
  • ​យើង​សង្ឃឹមថា តាមរយៈ​យុវជន​ខ្មែរ​ដែលមាន​ទេពកោសល្យ និង ពូកែ​ច្នៃប្រឌិត​នេះ វា​គឺជា​មេរៀន និង ​បទពិសោធន៍​ដ៏​ល្អ​អស្ចារ្យ​មួយ​សម្រាប់​មនុស្ស​ជំនាន់​ក្រោយ និង ជួយ​ជំរុញ​ឱ្យ​យុវជន​ជំនាន់​ក្រោយ​ឱ្យ​ស្រឡាញ់ ថែរក្សា និង បន្ត​ផ្សព្វផ្សាយ​វប្បធម៌ និង ប្រពៃណី​ខ្មែរ ។​
  • យើង​ជឿជាក់ថា យុវជន​ខ្មែរ​ពិត​ជាមាន​សមត្ថភាព​ដើម្បី​អភិវឌ្ឍ​ចំណេះដឹង​របស់​ពួកគេ ហើយ​អាច​ផ្សព្វផ្សាយទំនៀមទម្លាប់ វប្បធម៌ និង ប្រពៃណី​របស់​យើង​ដល់​ពិភពលោក​តាមរយៈ​ស្នាដៃ​ដ៏​ល្អ​ឯក​របស់​ពួកគេ ។​
  • រូប​បេះដូង នៅលើ​កំប៉ុង កូ​កា​-​កូ​ឡា ជា​គំនិត​របស់​សិល្បករ​វ័យ ៣១​ឆ្នាំ នោះ​គឺ លោក ចាន់ សំអន ។ សំអន បានបញ្ចប់​ការសិក្សា​ពី​សាកលវិទ្យាល័យ ភូមិន្ទ​វិចិត្រសិល្បៈ ជំនាញ​គំនូរ ។ ការងារ​របស់គាត់ភាគច្រើន​ត្រូវបាន​ប្រើ​នៅក្នុង​វិស័យ​ផ្សាយពាណិជ្ជកម្ម និង​ ទំនាក់ទំនង​ដូចជា ៖ ប្រក្រតិទិន ខិត្តប័ណ្ណ ផ្ទាំង​រូបភាព និង ផ្ទាំង​ប៉ាណូ ជាដើម ។​
  • ​ចំពោះ​ការ​រចនា​ទី ២ គឺ​រូប​គោម​ផ្កាយ ក្រុមហ៊ុន កូ​កា​-​កូ​ឡា បាន​ងាក​ទៅរក​លោក សន ករុណា អាយុ ២៣ ឆ្នាំ​។ ជាមួយនឹង​ជំនាញ​គូរគំនូរ​បែប​ប្រពៃណី​ខ្មែរ និង​ ស្ទីលប្លែកៗ (doodle)​ស្នាដៃ​សិល្បៈ​របស់ សន ករុណា ដែល​ភាគច្រើន​ត្រូវបាន​គេ​មើលឃើញ​មាន​នៅលើ​ជញ្ជាំង​នៃ​ហាង​កាហ្វេហាង​លក់ដូរ​ផ្សេងៗ និង ការិយាល័យ​ជា ច្រើន​បាន​លើក និង ជំរុញ​ទឹកចិត្ត​មនុស្ស​ជាច្រើន​នៅ​ទូទាំងប្រទេស​កម្ពុជា ។​
  • ​សម្រាប់​ការ​រចនា​ទី ៣ និង ចុងក្រោយ​ផងដែរ​នោះ ផ្តោតលើ​រូប​ផ្កាម្លិះដែល​ត្រូវបានរចនា​ឡើង កញ្ញា ម៉ម លី​សា និង សិល្បក រ​Peap Tarr ។ ម៉ម លី​សា គឺជា​ស្ត្រី​ខ្មែរ​ដំបូង​គេ​បង្អស់​ដែលមាន​ជំនាញ​ជា​អ្នក​រចនា​គំនូរ​លើ​ជញ្ជាំង​ដ៏​មាន​ប្រជាប្រិយភាព​បំផុត​នៅ​កម្ពុជា ដែល​បានបង្ហាញ​ស្នាដៃ​របស់ខ្លួន​ទាំង​ក្នុង​នឹង​ក្រៅប្រទេស​ហើយ និង Peap Tarr បាន​បង្កើត​ស្នាដៃ​បែប​សិល្បៈ​ឲ្យ Black Grace Dance Theatre ក្នុងប្រទេស​នូ​វែ​ល​សេ​ឡង់​សម្រាប់​ការសម្តែង​នៅក្នុង​កម្មវិធី​គម្រប់​ខួប ២០ ឆ្នាំ​របស់ Black Grace ដែលមាន​ចំណងជើង​ថា SIVA ។​

​សំណួរ ៖ តើន​រណា​ជា​អ្នកសម្រេចចិត្ត​លើ​ការងារ​សិល្បៈ​ទាំង ៣ នេះ ? តើ​ការចូលរួម​របស់ កូ​កា កូ​ឡា លើ​ការងារ​ច្នៃប្រឌិត​នេះ មាន​កម្រិតណា​ដែរ ឬក៏​ចេញពី​សិល្បករ ១០០% ?

  • ជា​រៀងរាល់ឆ្នាំ ក្រុមហ៊ុន កូ​កា កូ​ឡា តែងតែ​យកចិត្តទុកដាក់​យ៉ាងខ្លាំង​ក្នុងការ​ចូលរួម​អបអរ និង ចែករំលែក​សេចក្តី​សប្បាយរីករាយ​នាឱកាស​ពិសេសៗ​ជាមួយ​ប្រជាជន​នៅក្នុង​ព្រះរាជាណា​ចក្រ​កម្ពុជា​ទាំងមូល ។​
  • ​យើង​បាន​សម្រេចចិត្ត​បញ្ចេញ​នូវ​កំប៉ុង​កូកាកូឡា​ដែលមាន​លក្ខណៈពិសេស​ដោ​យ​បាន​រចនា​នូវ​ស្នាដៃ​សិល្បៈ​ចំនួន ៣ ព្រោះ​យើង​បាន​មើលឃើញ​ពី​គុណ​តម្លៃ និង សេចក្តីថ្លៃថ្នូរ​របស់វប្បធម៌​ខ្មែរ​តាមរយៈ​ស្នាដៃ​សិល្បៈ​ទាំង ៣ នេះ ។​
  • ​ដំបូង​ឡើយ​យើង​បាន​នឹកឃើញ​ដល់​រូបភាព​នៃ​ស្នាដៃ​សិល្បៈ​ចំនួន ៣ ក្នុងនោះ​រួមមាន​ ៖ (​គោម ផ្កាយ បេះដូង និង ផ្កាម្លិះ​) ។ បន្ទាប់មកទៀត ស្នាដៃ​សិល្បៈ​ទាំង ៣ នោះ​ក៏​ត្រូវបាន​ពិនិត្យ ពិច័យ​យ៉ាង​ប្រុងប្រយ័ត្ន និង គូរ​យ៉ាង​យកចិត្តទុកដាក់​ជាទីបំផុត​ដោយ​វិចិត្រករ​កម្ពុជា ទាំង​បួន រូប របស់​យើង​រហូត​ឈានដល់​ការសម្រេចបាន​នូវ​សមិទ្ធផល​ដ៏​ត្រចះត្រចង់​នេះ​ជា​ស្ថាពរ ។​
  • បេះដូង តំណាងឱ្យ​សេចក្តីស្រឡាញ់ ក៏ដូចជា​ទង្វើ​នៃ​ការចែករំលែក​សេចក្ដីស្រឡាញ់​ដល់​មិត្តភក្តិ ក្រុមគ្រួសារ និង សាច់ញាតិ ។​
  • ​គោម​ផ្កាយ មានន័យ​ដល់​ការជំរុញឱ្យ​ប្រជាជន​កម្ពុជា​យើងជូនពរជ័យ​សិរី​មង្គល​ដល់​ក្រុមគ្រួសារ សាច់ញាតិ និង មិត្តភក្តិ​របស់​ពួកគេ ។​
  • ផ្កាម្លិះ គឺជា​និមិត្តរូប​នៃ​លាភ​សំណាង និង ការចែករំលែក​សុភមង្គល សេចក្តីសុខ​ចម្រុងចម្រើន​ដល់​មិត្តភក្តិ ក្រុមគ្រួសារ និង សាច់ញាតិ ។​
  • ក្នុងអំឡុងពេល​ចូលឆ្នាំថ្មី ប្រជាជន​ខ្មែរ​យើង​តែងតែ​ប្រាថ្នា​ចង់ឱ្យ​ក្រុមគ្រួសារ មិត្តភក្តិ និង សាច់ញាតិ​របស់​ពួកគេ​ទទួលបាន​ពរជ័យ​សិរី​មង្គល ក្ដី​ស្រឡាញ់ លាភ​សំណាង និង សេចក្តី សុខ ចម្រុងចម្រើន ។ បំណងប្រាថ្នា​ទាំងនេះ​មាន​សារសំខាន់​ខ្លាំងណាស់​សម្រាប់​ប្រជាជន កម្ពុជា​យើង ហើយ​ក្រុមហ៊ុន កូ​កា កូ​ឡា ក៏​សូម​ជូនពរជ័យ​សិរី​មង្គល​វិបុល​សុខ​ដូចគ្នានេះដែរ​ដល់​បងប្អូន​ប្រជាពលរដ្ឋ​ខ្មែរ​ទាំងអស់​តាមរយៈ​ស្នាដៃ​សិល្បៈ​ក្នុងឱកាស​ដ៏​វិសេសវិសាល​នេះ ។​
  • ​ស្នាដៃ​សិល្បៈ​នេះ មាន​គោលបំណង​ដើម្បី​បង្ហាញ លើកកម្ពស់ និង ថែរក្សា​វប្បធម៌​ខ្មែរ​ក៏ដូចជា​ជំរុញ​អតិថិជន​ឱ្យ​ចេះ​ចែករំលែក​ភាពសប្បាយ​រីករាយ​ជាមួយគ្នា ។​

​សំណួរ ៖ តើ​យើង​អាច​រំពឹងថា កូ​កា កូ​ឡា នឹងមាន​កិច្ចសហការ​ផ្សេងៗ​ទៀត​ទេ​ក្នុងពេល​អនាគត ?

  • ​យើង​សង្ឃឹមថា​នឹងមាន​កិច្ចសហការ​បន្ថែមទៀត​សម្រាប់​អតិថិជន​របស់​យើង​នៅ​ប្រទេស​កម្ពុជា ។ បំណងប្រាថ្នា​និង​បេសកកម្ម​របស់​យើង គឺ​ស្ថិតនៅ​ជាមួយ​ប្រជាជន​ខ្មែរ​ហើយ​ធ្វើ​ឲ្យ​ពួកគេ​មាន​មោ​ទ​ភាព​ជាមួយ កូ​កា កូ​ឡា ចំពោះ​វប្បធម៌​ដ៏​សម្បូរបែប និង សមិទ្ធផល​ជាច្រើន​របស់​ពួកគេ​នៅក្នុង​ប្រទេស​កម្ពុជា ។​

​សំណួរ ៖ តើ​លោកស្រី​រំពឹងថា​ប្រជាជន​នឹងមាន​អារម្មណ៍​បែបណា​នៅពេលដែល​ពួកគេ​មើលឃើញស្នាដៃ​សិល្បៈ​ទាំងនេះ ?

  • ​វា​គឺជា​មធ្យោបាយ​មួយ​ដើម្បី​លើកកម្ពស់ និង ថែរក្សា​ភាពសម្បូរ​បែប​នៃ​វប្បធម៌​ខ្មែរ យើង​ជាមួយ​ប្រជាជន​កម្ពុជា​របស់​យើង ។
  • ​ពួកគេ​នឹង​ស្ងើចសរសើរ​ដល់​វប្បធម៌​ខ្មែរ​របស់​យើង ។​
  • វា​នឹង​កាន់តែ​រីករាយ​ជាមួយ កូ​កា កូ​ឡា ក្នុងការ​ចូលរួម​អបអរ និង ការជួប​ជុំគ្នា​ក្នុងឱកាស​ឆ្នាំ​ថ្មី ។
  • ​យើង​ចង់​ផ្តល់ជូន​អតិថិជន​នូវ​កាដូ​ដ៏​មាន​អត្ថន័យ​ជាមួយ និង ការចែករំលែក​ក្តី​ស្រឡាញ់ និង ភាពសប្បាយ​រីករាយ​ជាមួយគ្នា ។​

​សំណួរ ៖ ក្នុងឱកាស​បុណ្យចូលឆ្នាំ​ខ្មែរ​នេះ តើ កូ​កា កូ​ឡា មាន​គម្រោង​ធ្វើ​អ្វី​ផ្សេងទៀត​ទេ ?

  • ​ក្រៅពី​ដាក់ចេញ​នូវ​ស្នាដៃ​សិល្បៈ​នៅលើ​កំប៉ុង កូ​កា កូ​ឡា ហើយ​នោះ យុទ្ធនាការ​មួយ​ផ្សេងទៀត​ដែលមាន​ឈ្មោះថា «​កូ​កា​-​កូ​ឡា ជូន​អ្នក​ទៅ​ស្រុក​» ។ យុទ្ធនាការ​នេះ​នឹង​ចាប់​ផ្តើមឡើង​ពី​សប្តាហ៍​ទី ៤ ខែមីនា រហូតដល់​សប្តាហ៍​ទី ២ ខែមេសា ឆ្នាំ​២០១៨ ។​
  • ​សំបុត្រ​រថយន្តក្រុង​ចំនួន ៥០០០ សន្លឹក នឹង​ផ្តល់ជូន​ដល់​ប្រជាជន​ខ្មែរ​ក្នុងអំឡុងពេល​ឆ្នាំ​ថ្មី​នេះ​ ។
  • សំបុត្រ​ទាំងនោះ​គឺ​សម្រាប់​សាលារៀន សាកលវិទ្យាល័យ​ចំនួន ១៦ កន្លែង និង ចំណតរថយន្ដ​ក្រុង​ចំនួន ២ កន្លែង នៅក្នុង​រាជធានី​ភ្នំពេញ ដែល​រួមមាន ៖ ចំណតរថយន្ដ​ក្រុង​សូរិយា និង ចំណត​រថយន្ដក្រុង មេគង្គ ។​

​ជា​ចុងក្រោយ ក្នុងនាម​ក្រុមហ៊ុន​កូ​កា​-​កូ​ឡា លោកស្រី គង់ កុសល សូម​ជូនពរ​ដល់​បង​ប្អូន​ប្រជាពលរដ្ឋ​ខ្មែរ និង អតិថិជន​ទាំងអស់​ក្នុងឱកាស​ចូលឆ្នាំថ្មី​ប្រពៃណីជាតិ​ខ្មែរ​ដែល​នឹង​ឈាន​មកដល់​នាពេល​ខាងមុខនេះ សូម​ឲ្យ​ទទួលបាន​សេចក្តីសុខ សេចក្តីចម្រើន សុខភាព​ល្អ និង ជោគជ័យ​គ្រប់​ភារកិច្ច ៕

មតិរបស់អ្នក

Advertisement
Advertisement
Advertisement

ថ្មីៗ

អត្ថបទក្រុមហ៊ុន18 hours ago

តារាចម្រៀងថៃ ជេម រឿងសាក់ ប្រកាសរកតំណាងចែកចាយផលិតផល MOJO Golden Mask 24K ទូទាំងខេត្តក្រុង (វីដេអូ)

ភ្នំពេញ​៖ ក្រុមហ៊ុន​ជំនាញ​ផ្នែក​អាហារ​បំប៉ន​ និង ​សម្រស់ លំដាប់ថ្នាក់​លេខ​ ១ អា​ម៉ា​ដូ ចំកាត់ នៅ​ប្រទេស​ថៃ បាន​នាំយក​ផលិតផល​ថ្មី មកកាន់​ទីផ្សារ​កម្ពុជា ដោយ​ធ្វើការ​សម្ពោធ​ជា​ផ្លូវការកាលពី​ល្ងាច​ថ្ងៃទី ២១ កញ្ញា ២០១៨ នៅ​ភោជនីយដ្ឋាន Bottom Up ក្នុង​កម្មវិធី Golden...

អត្ថបទក្រុមហ៊ុន1 day ago

ថ្វីត្បិត កុល ដាវី ដើរតួចិត្តអាក្រក់មែន តែបែរជាត្រូវមហាជនសរសើរគ្រប់គ្នា !

បើ​និយាយ​ពី​រឿង​ភាគ​ខ្មែរ​នាពេល​បច្ចុប្បន្ននេះ គឺថា​គ្មាន​នរណា​ដែលថា​មិន​ស្គាល់​រឿង «ផ្កាថ្ម» របស់​ស្ថានីយទូរទស្សន៍ហង្ស​មាស ​ឡើយ​​ ។ រឿង «ផ្កាថ្ម» ត្រូវបាន​មហាជន​ទូទាំងប្រទេស​ទទួលស្គាល់​ថា​ជា​រឿង​ភាគ​ខ្មែរ​ដ៏​មាន​គុណភាព​មួយ​មិន​ចាញ់​រឿង​ភាគ​បរទេសឡើយ​ដោ យមាន​ការគាំទ្រ​យ៉ាងច្រើន​លើសលុប​ចំពោះ​រឿង​ភាគ​ខ្មែរ​មួយ​នេះ ។​ ដោយសារតែ​ភាព​ល្បី​រន្ទឺ​នេះ តួអង្គ​នីមួយៗ នៅក្នុង​រឿងនេះ​ផ្ទាល់​ក៏​ទទួលបាន​ការចាប់អារម្មណ៍​ខ្លាំង​ទៅតាម​ហ្នឹង​ដែរ ដោយ​ក្នុងនោះ​តួអង្គ​ចិត្តអាក្រក់​ឈ្នានីស​ដែលសម្តែង​ដោយ​អ្នកនាង កុល ដាវី ត្រូវបាន​មហាជន​ស្ញើ​ច​សរសើរ​មិន​ដាច់​ពី​មាត់​ពី​ទេពកោសល្យ​សម្តែង​របស់​នាង ទាំង​កាច ទាំង​ពិសពុល...

អត្ថបទក្រុមហ៊ុន1 day ago

មិនធម្មតា! ធ្លាក់ខ្ទេចខ្ទី អស់មិនចេះតិចក្នុងវគ្គ Judge Cut Down កាលពីយប់ម្សិលមិញ !

កម្មវិធី Cambodia’s Got Talent បានចូលមកដល់វគ្គ Judge Cut Down ហើយកាលពីយប់ម្សិលមិញនេះដោយបានទម្លាក់បេក្ខជនអស់ជាច្រើនដោយចម្រាញ់យកតែបេក្ខជនដែលមានសមត្ថភាពកំពូលៗប៉ុណ្ណោះ ។ ក្នុងចំណោមបេក្ខជនជាច្រើនដែលមានជាក្រុម និង ទោលបានមកបង្ហាញមុខចំពោះគណកម្មការទាំងបួនដើម្បីទទួលយកលទ្ធផលថាតើអាចមានសិទ្ធបន្តទៅវគ្គ Live Show បាន ឬយ៉ាងណា ? បេក្ខជនដែលមានសំណាងបន្តទៅវគ្គបន្ទាប់គឺមានចំនួនតែ ៣១...

អត្ថបទក្រុមហ៊ុន2 days ago

អស្ចារ្យណាស់! បេក្ខជនម្នាក់នេះធ្វើឱ្យ Coach ទាំងបីដណ្តើមគ្នារញ៉ៃតែម្តង (វីដេអូ)

កាលពី​យ​បើ​មិញ​នេះ កម្មវិធី The Voice Kids Cambodia បាន​មកដល់​សប្តាហ៍​ទី​ ៦ ដែលជា​សប្តាហ៍​ចុងក្រោយ​នៃ​វគ្គ The Blind Audition ក្នុង​រដូវ​កាល​ទី​ ២ នេះ ​។​ ​ក្នុងចំណោម​បេក្ខជន​ជាច្រើន​កាលពី​យប់មិញ មាន​បេក្ខជន​ម្នាក់​ដែល​ធ្វើ​ឲ្យ​គ្រូបង្វឹក​ទាំងបី​នៅ​មិន​ហ្នឹង នាំគ្នា​ជជែក​ដណ្តើម​គ្នា ដើម្បី​យក​ធ្វើជា​កូនក្រុម​ខ្លួន​ដោយសារតែ​សម្លេង​ដ៏​ពីរោះ​របស់​ប្អូន...

អត្ថបទក្រុមហ៊ុន2 days ago

ចប់ហ្មង! ទស្សនាបេក្ខជន Killer Karaoke ម្នាក់នេះហើយ ចង់ដាច់ផ្ងា​ (វីដេអូ)

កម្មវិធី Killer Karaoke Cambodia បាន​មកដល់​សប្តាហ៍​ទី​ ៥ ​កាលពី​ល្ងាច​ថ្ងៃអាទិត្យ​ម្សិលមិញ​នេះ ដោយមាន​បេក្ខជន ជាច្រើន​ចេញមក​ទទួល​វិញ្ញាសារ​រន្ធត់​ព្រឺព្រួច​ដោយ​ទក់​សាច់​ស្ទើរ​គ្រប់គ្នា ​។​ ​បេក្ខជន​ម្នាក់​ឈ្មោះ ឃុន វាសនា បាន​ចេញមុខ​ក្នុង​សប្តាហ៍​ទី​ ៥ ​នេះ ដោយ​បានទទួល​វិញ្ញាសារ «​រាំ​មិន​ខ្ចី​ខ្វល់​» ដោយ​លោក​គឺ ពិតជា​មិន​ខ្វល់​មែន​គឺថា​ជួប​ឧបសគ្គ​យ៉ាងណា​ក៏​លោក​មិន​ខ្វល់​ដែរ...

តោះមើល

តោះមើល5 days ago

អីយ៉ា ! តារាចម្រៀង អេដា រួមជាមួយក្រុមភ្លេង «ដីស» បង្ហើបសំនៀង ២ បទ យ៉ាងពីរោះរណ្តំ (វីដេអូ)

សម្រាប់​សប្តាហ៍​នេះ កម្មវិធី «​តោះ​មើល​» មាន​កិត្តិយស​នាំមក​នូវ​បទ​ចម្រៀង​«​គ្រាប់ពេជ្រ​» និង «​មាន​អ្នក​ថែ​ឬ​នៅ​» ដែល​បង្ហើប​សំនៀង​ដោយ​តារាចម្រៀង Original Song ដ៏​ល្បី​គឺ​កញ្ញា អេ​ដា រួម​ជា​ក្រុម​ភ្លេង «​ដីស​» ទស្សនា​កម្សាន្ត​អារម្មណ៍ ។​ ​ចង់ដឹងថា ទាំង​បទ​ភ្លេង និង សំនៀងពីរោះ​រណ្តំ​យ៉ាងណា សូម​ទស្សនា​វីដេអូ​ទាំងអស់គ្នា​៕​ដោយ...

តោះមើល2 weeks ago

រយៈពេល ១២ ឆ្នាំក្នុងវិថីសិល្បៈ តារាចម្រៀង អេដា ជួបឧបសគ្គធំមួយ ! (វីដេអូ)

តារាចម្រៀង Original Song អេ​ដា បាន​ទម្លាយ​ពី​ឧបសគ្គ​ធំ​មួយ មុន​ឈានដល់​ចំណុច​ជោគជ័យ​ត្រូវបាន​មហាជន​ទទួលស្គាល់ និង គាំទ្រ​បទ​ចម្រៀង​របស់ខ្លួន​ដូច​សព្វថ្ងៃ ។​ ​ស្ថិតក្នុង​កម្មវិធី «​តោះ​មើល​» តារា​ស្រី អេ​ដា បាន​បង្ហើប​ថា ដំបូង​ឡើយ​នាង​ចាប់ផ្ដើម​អាជីព​ជា​អ្នកចម្រៀង​រ៉េ​បម្នាក់ ហើយ​ចំពោះ​ឧបសគ្គ​ធំ​នោះ​គឺ​គេ​គិតថា នាង​ជា​ស្ត្រី ពេល​នាង​ច្រៀង​រ៉េ​ប​បែប​លេងសើច ក្រមិចក្រមើម គួរឱ្យ​ក្នាញ់​ខិលខូច​ច្រើនពេក...

តោះមើល3 weeks ago

អារម្មណ៍ក្រោយប្រឡងបាក់ឌុប អ្នកដឹងបានដឹង ! (វីដេអូ)

ម៉េច​ហើយ​ប្អូនៗ​ប្រឡង​បាក់​ឌុប​រួច​មាន​អារម្មណ៍​យ៉ាងណាដែរ​? ដល់ពេល​ប្រឡង​បាក់​ឌុប​រួចរាល់​ហើយ ម្នាក់ៗ​មាន​អារម្មណ៍​ខុសៗ​ពីគ្នា អ្នកខ្លះ​ធូរស្រាល​ក្នុង​ខ្លួន អ្នកខ្លះ​ធម្មតា តែ​អ្នកខ្លះ​ក៏​រំឭក​ព្រឹត្តិការណ៍​ពេល​ប្រឡង ។ ​ក្នុងខណៈពេល​លទ្ធផល​ប្រឡង​មិនទាន់​ចេញ សូម​អញ្ជើញ​ប្រិយមិត្ត ក៏ដូចជា​សិស្ស​ទាំងឡាយ​ដែល​ទើបតែ​ប្រឡង​បាក់​ឌុប​រួច មក​ស្តាប់​កម្សាន្ត​លម្ហែចិត្ត​ជាមួយ​បទ​ចម្រៀង «​រង់ចាំ​លទ្ធផល​» ដែល​ច្រៀង និង ទំនុកភ្លេង​ដោយ «​ក្រុម​ដីស​» ៕​​​