ថ្មីៗនេះ ទឹកជំនន់នៅក្នុងប្រទេសថៃ បានធ្វើឱ្យបុកហូរទៅដល់ខេត្តសុងក្លាហើយ ដោយបានវាយប្រហារស្រុកភូមិជាច្រើននៅក្នុងខេត្តនេះឱ្យលិចលង់យ៉ាងធ្ងន់ធ្ងរ សូម្បីតែប្រជាជនក៏ត្រៀមខ្លួនមិនទាន់ដែរ។
យ៉ាងណាមិញ វីដេអូមួយត្រូវបានគេផ្ទុះចែកចាយពេញបណ្តាញសង្គម ដែលវីដេអូនោះឯង បង្ហាញឱ្យឃើញផលប៉ះពាល់ដោយសារទឹកជំនន់ ដែលកំពុងវាយលុកនៅក្នុងស្រុកហាតយ៉ៃ ខេត្តសុងក្លា។ ក្នុងវីដេអូបានបង្ហាញឱ្យឃើញថាទឹកជំនន់កំពុងហូរយ៉ាងខ្លាំងកាត់ក្រោមស្ពានមួយកន្លែង ភ្លាមៗនោះស្រាប់តែបង្គោលប្រភពអគ្គិសនីដែលផ្អៀងស្រាប់ហើយ ក៏បានបាក់ធ្លាក់ចូលទៅក្នុងទឹក បណ្តាលឱ្យមានការផ្ទុះបែកផ្កាភ្លើងយ៉ាងគួរឱ្យខ្លាចតែម្តង។
ដោយឡែក តាមព័ត៌មានបានឱ្យដឹងថា ទឹកជំនន់ដែលកំពុងវាយលុកស្រុកហាតយ៉ៃឆ្នាំនេះ មានកម្រិតធ្ងន់ធ្ងរជាងកាលពីឆ្នាំ ២០១១ កន្លងទៅទៀត ដោយលើកនេះសហគមន៍ចំនួន ១០៣ នៅក្នុងស្រុកនេះ ត្រូវបានស្ថិតនៅក្នុងតំបន់ក្រហមទាំងអស់៕
សូមចុចទីនេះដើម្បីទស្សនាវីដេអូ៖
