អុញនោះ! ចិន កោះហៅអគ្គរាជទូតជប៉ុនប្រចាំប្រទេសចិនទៅព្រមាន ក្រោយលោកស្រីនាយករដ្ឋមន្រ្តីជប៉ុនថ្មី ពោលពាក្យប៉ុន្មានម៉ាត់នេះ

សារព័ត៌មានបរទេស បានរាយការណ៍ឱ្យដឹងថា ក្រសួងការបរទេសរបស់ចិន បានហៅអគ្គរាជទូតជប៉ុនប្រចាំប្រទេសចិនទៅព្រមានយ៉ាងចាស់ដៃ ក្រោយពីលោកស្រីនាយករដ្ឋមន្រ្តីបានពោលពាក្យតែប៉ុន្មានម៉ាត់។

តាមព័ត៌មានបានឱ្យដឹងថា លោកស្រី ដែលជានាយករដ្ឋមន្រ្តី Sanae Takaichi បាននិយាយនៅក្នុងសភាជប៉ុនកាលពីសប្តាហ៍មុនថា ជប៉ុននឹងអាចបញ្ជូនទាហានទៅជួយតៃវ៉ាន់ បើសិនជាចិនវាយប្រហារទៅលើតៃវ៉ាន់ពិតមែន ព្រោះការវាយប្រហារនេះធ្វើឱ្យគំរាមកំហែងដល់ជប៉ុនបាន។ យ៉ាងណាមិញ ក្រោយមកនៅថ្ងៃទី ១៣ ខែវិច្ឆិកា ឆ្នាំ ២០២៥ លោក Sun Weidong ដែលជារដ្ឋមន្រ្តីក្រសួងការបរទេសចិន ក៏បានកោះហៅអគ្គរាជទូតជប៉ុនប្រចាំប្រទេសចិនឱ្យចូលទៅជួប ព្រមទាំងព្រមានយ៉ាងម៉ឹងម៉ាត់ថា បើសិនជាមាននរណាម្នាក់ហ៊ានជ្រៀតជ្រែតក្នុងការបង្រួបបង្រួមជាតិរបស់ចិន នោះចិននឹងឆ្លើយតបទៅវិញយ៉ាងដាច់ខាត។

ដោយឡែក ក្រសួងការបរទេសរបស់ចិន បានធ្វើការថ្កោលទោសឱ្យលោកស្រី Sanae Takaichi និងទាមទារឱ្យលោកស្រីដកពាក្យសម្តីចេញវិញផងដែរ តែលោកស្រី Sanae Takaichi អះអាងនឹងមិនដកពាក្យសម្តីអ្វីឡើយ ហើយបញ្ជាក់ថាសម្តីទាំងនោះ គឺស្របទៅនឹងគោលជំហរដើមរបស់ប្រទេសជប៉ុនទៀតផង៕