ជារឿងដ៏ឈឺចាប់បំផុតរបស់កម្ពុជាជាថ្មី កាលពីរសៀលថ្ងៃទី ១២ ខែវិច្ឆិកា ឆ្នាំ ២០២៥ ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មានបានបង្ហោះវីដេអូជាមួយសារឱ្យបានដឹងថា ទាហានថៃបានប្រើកាំភ្លើងបាញ់ប្រហារចូលដែនអធិបតេយ្យកម្ពុជានៅភូមិព្រៃចាន់ បណ្ដាលឱ្យពលរដ្ឋពលរដ្ឋខ្មែរបាត់បង់ជីវិតម្នាក់ និង របួស ៣ នាក់។
រីឯប្រជាជនក្នុងភូមិព្រៃចាន់ទាំងមូល ដោយមានទាំងទារក កុមារ និង ចាស់ជរា បានភៀសខ្លួនមកដោយភាពភ័យខ្លាច និង សឹងតែគ្មានអ្វីយកមកជាប់ខ្លួន ដើម្បីរកទីទួលមានសុវត្ថិភាព គេចពីចោរឈ្លានពានថៃ។
យ៉ាងណាមិញ អ្វីកាន់តែអាណិតអាសូរប្រជាជនស្លូតត្រង់របស់កម្ពុជា បន្ទាប់ពីបានឃើញវីដេអូរបស់ផ្ទះប្រជាពលរដ្ឋ ដែលត្រូវបានបំពានម្តងហើយម្តងទៀតពីកងទ័ពថៃ មិនអាចរស់នៅដោយសុខសាន្តបាន ខណៈផ្ទះប្រជាពលរដ្ឋកម្ពុជាជាច្រើនបានស្ងប់ស្ងាត់បន្សល់ទុកនូវសម្ភារប្រើប្រាស់ មានទាំងខ្លះដាំបាយ ធ្វើម្ហូបមិនទាន់ទាំងបានបរិភោគផង ក៏ត្រូវរត់ចោលផ្ទះសម្បែង។ ម្យ៉ាងវិញទៀត សូម្បីតែម៉ុង ខ្នើយ ក៏រៀបចំរួចមិនទាន់បានសម្រាកផង តែត្រូវទាហានថៃ បាញ់ប្រហារមកភ្លាមៗ៕
សូមចុចទីនេះ ដើម្បីទស្សនាវីដេអូ៖
ប្រភព៖ BTV
