ដ្បិតថាមិនបានវិលចូលប្រឡូកក្នុងវិស័យសិល្បៈវិញទាំងស្រុងដូចដើមក៏ពិតមែន ប៉ុន្តែតារាចម្រៀងរៀមច្បងក្នុងផលិតកម្ម SSB អ្នកនាង ម៉ៅ ស៊ីណាត ក៏នៅតែទទួលបានការចាប់អារម្មណ៍ពីសំណាក់អ្នកគាំទ្រដូចដើម តាមរយៈការតាមដានអ្នកនាងនៅក្នុងបណ្តាញសង្គមនានា។
បច្ចុប្បន្ន ក្រោយពីចាកឆ្ងាយពីវិស័យសិល្បៈនោះ ម្ចាស់បទ «ទឹកភ្នែកជីដូនកាកី» អ្នកនាង ម៉ៅ ស៊ីណាត បាន និង កំពុងប្រកបរបរជាអ្នកលក់សម្លៀកបំពាក់ ដោយកន្លងមកអ្នកនាងបានលក់ទាំងនៅក្នុងផ្សារ ក៏ដូចជាតាំងលក់តាមផ្លូវសាធារណៈជាដើម។
យ៉ាងណាមិញ ក្រឡេកទៅមើលបណ្តាញសង្គម Tik Tok និង ហ្វេសប៊ុករបស់អ្នកនាង ម៉ៅ ស៊ីណាត ថ្មីៗនេះ រាល់ពេលការបង្ហោះវីដេអូតែងតែទទួលបានការចាប់អារម្មណ៍ពីមហាជន ចំពោះរូបសម្រស់ និង រាងរៅរបស់អ្នកនាង។ ក្នុងនោះ អ្នកគាំទ្របានសរសើរថា អ្នកនាង ម៉ៅ ស៊ីណាត ទោះវ័យកាន់តែកើន មានដល់កូនប្រសាហើយក្តី ប៉ុន្តែពូកែថែរាងស្អាត ក្បាលពោះរាបស្មើ ក្មេងជាងមុនទៅទៀត៕
សូមចុចទីនេះ ដើម្បីទស្សនាវីដេអូ៖
