ថ្មីៗនេះ បុរសម្នាក់នៅប្រទេសចិន កំពុងផ្ទុះការចាប់អារម្មណ៍ជាខ្លាំង ក្រោយរូបលោកចេញមកអះអាងថា បានចំណាយប្រាក់ ៤ លានយ័ន (ប្រមាណជាង ៥៦ ម៉ឺនដុល្លារ) លើការចាក់អាស៊ីត hyaluronic ចូលក្នុងពោះ ដើម្បីបានសាច់ដុំ ៦ កង់តាមក្ដីស្រមៃ។
តាមពិតទៅ បុរសរូបនេះ ធ្លាប់ផ្ទុះផ្អើលម្ដងរួចហើយរឿងចាយលុយទាំងខ្ទាស់ៗ ចាក់អាស៊ីត ៤០ ដូស ចូលស្មា ឆ្អឹងដងកាំបិត ទ្រូង និង ពោះ ជាមួយនឹងក្ដីស្រមៃចាកអាស៊ីតចូលខ្លួនឱ្យគ្រប់ ១ ម៉ឺនដូស។
លោកបានរៀបរាប់ថា ការចាក់យកសាច់ដុំបែបសិប្បនិម្មិតនេះ អាចធ្វើឱ្យលោកក្លាយជាករណីដំបូងគេនៅប្រទេសចិន។ លោកគម្រោងចាក់ឱ្យបាន ១ ម៉ឺនដូស ហើយឥលូវសម្រេចបាន ៤០% ហើយ។
បុរសខាងលើបានបញ្ជាក់មូលហេតុទៀតថា លោកងាកមកជ្រើសយកវិធីសាស្ត្រកែប្រែសម្រស់បែបនេះ ក៏ព្រោះតែលោកមិនអាចសម្រេចក្ដីស្រមៃបានរាងស្អាតតាមការហាត់ប្រាណតែមួយមុខបាន ហើយលោកពិតជាពេញចិត្តលទ្ធផលដែលទទួលបានជាខ្លាំង៕
