មហាជននិយមតាមដានបណ្តាញសង្គមនានា ច្បាស់ជាបានជ្រាបមកហើយនូវការចែករំលែកនូវទិដ្ឋភាពនៃព្រះពិធីអាវាហវិវាហមង្គលរបស់ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី អ៊ឹង ស៊ីវឈន់ ដែលបានរៀបចំរយៈពេល ២ ថ្ងៃ ពោលគឺនៅថ្ងៃទី ២៦ និង ២៧ ខែវិច្ឆិកា ឆ្នាំ ២០២៥ កន្លងទៅ។
ក្នុងនោះដែរ ព្រះពិធីអាវាហវិវាហមង្គលរបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី អ៊ឹង ស៊ីវឈន់ បានរៀបចំឡើងតាមកម្មពិធីប្រពៃណីផ្សេងៗ យ៉ាងខ្ជាប់ខ្ជួន ជាមួយនឹងការតុបតែងពិធីយ៉ាងប្រណីត ព្រមទាំងឈុតនីមួយៗ សុទ្ធសឹងតែជាឈុតប្រពៃណីបុរាណខ្មែរដ៏ល្អឯក សម្រិតសម្រាំងយ៉ាងពិសេសពីទឹកដីជាងចំណាន ដោយមានការកោតសរសើរយ៉ាងខ្លាំងពីសំណាក់មហាជន។
យ៉ាងណាមិញ ក្រោយពីពិធីអាវាហវិវាហមង្គលរបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង ព្រះសា្វមី អ៊ឹង ស៊ីវឈន់ បានបញ្ចប់រយៈពេល ៤ ថ្ងៃហើយនោះ ពោលគឺនៅថ្ងៃទី ០១ ខែវិច្ឆិកា ឆ្នាំ ២០២៥ កន្លងទៅ លោក អ៊ឹង ស៊ីវឈន់ បានបង្ហោះសាររៀបរាប់ឱ្យដឹងថា ពិធីអាវាហវិវាហមង្គលរបស់ខ្លួនទាំងមូល គឺស្ទើរតែគ្រប់ផ្នែកសុទ្ធសឹងតែជាគំនិតរបស់ភរិយា គឺ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា។
ក្នុងនោះលោក អ៊ឹង ស៊ីវឈន់ បានរៀបរាប់ធ្វើឱ្យមហាជនលើបណ្ដាញសង្គមជាច្រើនរំភើបថា៖ «ខ្ញុំពិតជាភ្ញាក់ផ្អើល និង នឹកស្មានមិនដល់ជាខ្លាំងនៅក្នុងថ្ងៃពិធីមង្គលការរបស់ខ្ញុំ គឺភាពអស្ចារ្យនៃរោងពិធីទាំងមូល ទាំងការតុបតែងឆាក ទាំងសម្លៀកបំពាក់ ព្រមទាំងការរៀបចំផ្សេងៗទៀត ទទួលការពេញចិត្តពីសំណាក់ភ្ញៀវកិត្តិយសទាំងអស់ ព្រមទាំងមហាជនក្នុងបណ្តាញសង្គមផងដែរ។ លោកអ្នកនាងដឹងទេ? ទាំងអស់នេះ កើតឡើងពីគំនិតចាត់ចែងរៀបចំស្ទើរតែគ្រប់ផ្នែកពីអូនសូរិយា ភរិយាខ្ញុំ ហើយសូម្បីតែម៉ូដរោងពិធី ម៉ូដឆាក ម៉ូដសួនផ្កា ក្រុមតន្រ្តីក្លាស៊ិក ទស្សនីយភាពហនុមាន ហើយបូករួមទាំងម៉ូដ និង ពណ៌សម្លៀកបំពាក់ទៀតផង។ ខ្ញុំពិតជាមានមោទកភាពណាស់ ដែលបាន អូនសូរិយា ជាភរិយាដ៏ល្អចំណាន និង ពូកែពោរពេញដោយសមត្ថភាពចំណេះដឹង ជាពន្លឺអនាគតដ៏ភ្លឺស្វាងនៃគ្រួសារយើង»៕
រូបភាពពី One Memory
