សង្ហាណាស់! បវរកញ្ញា ស៊ីដនី ម៉ារិទ្ធ បង្ហាញចំណងស្នេហ៍នឹងបុរសបរទេសម្នាក់ ផ្អែមល្ហែមហើយសមគ្នាគ្មានទាស់

និយាយពីស្រីស្អាតកូនខ្មែរកាត់អាមេរិក កញ្ញា ស៊ីដនី ម៉ារិទ្ធ ម្ចាស់មកុដថ្មីនៃ Miss Planet Cambodia 2025 បច្ចុប្បន្នជាបវរកញ្ញាដ៏មានសក្កានុពលមួយរូប តែងទទួលបានការចាប់អារម្មណ៍សរសើរពីសមត្ថភាព ចំណេះដឹង និង រូបសម្រស់ដ៏លេចធ្លោររបស់នាង ដែលកំពុងត្រៀមខ្លួនតំណាងឱ្យកម្ពុជាឈរលើឆាកអន្តរជាតិឆាប់ៗខាងមុខ។

លើសពីនេះ កញ្ញា ស៊ីដនី ម៉ារិទ្ធ ក៏តែងបង្ហាញសកម្មភាពការងារយ៉ាងមមាញឹកក្នុងនាមជាម្ចាស់មកុដថ្មី MPC 2025 ដែលឃើញលេចមុខក្នុងវិស័យបវរកញ្ញាផ្សេងៗ កម្មវិធីដើរម៉ូតទាំងក្នុង និង ក្រៅប្រទេស ព្រមទាំងកំពុងក្ដោបបានឱកាសថ្មីក្នុងវិស័យសម្ដែង ក្លាយជាតួឯកស្រីក្នុងភាពយន្តខ្នាតធំមួយទៀតផង។

ដោយឡែក ស្របពេលកំពុងមានទីផ្សារខ្លាំងចុះឡើងក្រៅប្រទេសញឹកញាប់ ថ្មីៗនេះ បវរកញ្ញា ស៊ីដនី ម៉ារិទ្ធ ក៏ធ្វើឱ្យមហាជនអ្នកគាំទ្រចាប់អារម្មណ៍លើជីវិតឯកជនរបស់នាងដែរ ទាក់ទងនឹងរឿងរ៉ាវស្នេហា ខណៈបានឃើញបវរកញ្ញារូបនេះ បានបើកបង្ហាញចំណងស្នេហ៍យ៉ាងផ្អែមល្ហែមជាមួយបុរសរូបសង្ហាជនបរទេសម្នាក់ ដែលត្រូវបានគេស្គាល់ថាជាជនជាតិឥណ្ឌូនេស៊ី ព្រមទាំងឃើញនាងបង្ហាញសកម្មភាពកំពុងរស់នៅសាងស្នេហាជាមួយគូស្នេហ៍លើទឹកដីឥណ្ឌូនេស៊ីទៀតផង៕

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖