ថ្មីៗនេះ តាមរយៈផេក Master Naly Fengshui ដែលជាផេករបស់អ្នកគ្រូ ណាលី ជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកចំណេះដឹង អំពីការរៀបចំតុរៀនរបស់កូនៗទៅតាមក្បួនហុងស៊ុយ ក្នុងករណីដែលកូនរៀនមិនសូវពូកែ។

តាមរយៈផេករបស់អ្នកគ្រូបានបញ្ជាក់ឱ្យដឹងថា ៖ «ករណីកូនរៀនសូត្រមិនសូវពូកែ យើងអាចដាក់ដើមឬស្សី ៤ ដើម ឬដាក់លើតុរៀន នៅក្នុងទិសសតិបញ្ញារបស់គាត់បាន»។

សូមរំឭកផងដែរថា កន្លងមកអ្នកគ្រូណាលី ក៏ធ្លាប់បានលើកឡើងអំពីការរៀបចំទិសសុខភាពឱ្យបានល្អសម្រាប់ឆ្នាំ ២០២៥ ផងដែរ ដោយគប្បីរៀបចំត្រង់បរិវេណកណ្តាលផ្ទះ ឬ កណ្តាលបន្ទប់ឱ្យបានស្អាតល្អ មានរបៀបរៀបរយ និង មិនមានក្លិនឆ្អេះឆ្អាប៕
