នាពេលថ្មីៗនេះ ក្រសួងសាធារណការ និង ដឹកជញ្ជូន បានជូនដំណឹងឱ្យបានដឹងអំពីរបៀបស្នើសុំលតាបត្រ អនុញ្ញាតធ្វើដំណើរលើផ្លូវល្បឿនលឿន សម្រាប់ទោចក្រយានយន្ត ទំហំស៊ីឡាំងចាប់ពី ៥០០cc ឬ កម្លាំងម៉ូទ័រ ២៧kW ឡើងទៅ។
ក្នុងនោះ ក្រសួងបានបញ្ជាក់ឱ្យដឹងថា សម្រាប់បងប្អូនដែលមានទោចក្រយានយន្ត ទំហំស៊ីឡាំងចាប់ពី ៥០០cc ឬ កម្លាំងម៉ូទ័រ ២៧kW ឡើងទៅ ចង់ស្នើសុំលតាបត្រ ធ្វើដំណើរលើផ្លូវល្បឿនលឿន គឺត្រូវភ្ជាប់ឯកសារដូចខាងក្រោម ៖
+ ពលរដ្ឋខ្មែរ
១. ប័ណ្ណសម្គាល់យានជំនិះ
២. អត្តសញ្ញាណប័ណ្ណម្ចាស់កម្មសិទ្ធិ
+ ជនបរទេស
១. ប័ណ្ណសម្គាល់យានជំនិះ
២. លិខិតឆ្លងដែន និងទិដ្ឋាការមានសុពលភាព
៣. លិខិតបញ្ជាក់ទីលំនៅចេញដោយមេឃុំ/ចៅសង្កាត់
*ករណីអាសយដ្ឋានអចិន្ត្រៃយ៍ខុសពីអាសយដ្ឋានក្នុងអត្តសញ្ញាណប័ណ្ណត្រូវភ្ជាប់មកជាមួយសៀវភៅគ្រួសារ ឬសៀវភៅស្នាក់នៅ។
យ៉ាងណាមិញ សម្រាប់ការស្នើសុំលតាបត្រនេះ គឺឥតគិតថ្លៃ ខណៈទីតាំងស្នើសុំមានដូចជា ៖
– មណ្ឌលផ្ដល់សេវាសាធារណៈ ទីស្តីការក្រសួងសាធារណការ និងដឹកជញ្ជូន ផ្លូវលេខ ៥៩៨ (ផ្លូវ ឯកឧត្ដម ជា សុផារ៉ា) សង្កាត់ច្រាំងចំរេះ២ ខណ្ឌប្ញស្សីកែវ រាជធានីភ្នំពេញ
– មណ្ឌលផ្ដល់សេវាសាធារណៈ ផ្សារទំនើប អុីអនម៉លមានជ័យ (AEON3) ជាន់ទី១
– មណ្ឌលផ្ដល់សេវាសាធារណៈ ផ្សារទំនើបអូឡាំព្យា ជាន់ទី៤៕
